ឃាត់ខ្លួនជនសង្ស័យតាមដីការបង្កប់.......

ខេត្តតាកែវ. ត្រូវនឹងថ្ងៃទី០៨ ខែឧសភា ឆ្នាំ២០២៥ វេលាម៉ោង ២០និង២០នាទី លោកវរសេនីយ៍ឯក នួន ប៉ិន អធិការនគរបាលស្រុកអង្គរបូរី បានបញ្ជាកម្លាំងជំនាញ នៃអធិការដ្ឋាននគរបាលស្រុកអង្គរបូរី សហការជាមួយប៉ុស្តិ៍នគរបាលរដ្ឋបាលព្រៃផ្គាំ ចុះអនុវត្តតាមដីកាបង្គាប់ឲ្យចាប់ខ្លួនឈ្មោះ សយ សុខនី ហៅតឿ ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រៃផ្គាំក ឃុំព្រៃផ្គាំ ស្រុកអង្គរបូរី ខេត្តតាកែវ ពីបទ"ជួញដូរដោយខុសច្បាប់សាធាតុញៀន" ប្រព្រឹត្តនៅភូមិព្រៃផ្គាំខ ឃុំព្រៃផ្គាំ ស្រុកអង្គរបូរី ខេត្តតាកែវ កាលពីថ្ងៃទី២៨ ខែតុលា ឆ្នាំ២០២៤ តាមដីកាលេខៈ៨៦/២០២៤ ចុៈថ្ងៃទី១៨ ខែកុម្ភៈ ឆ្នាំ២០២៥ របស់សាលាដំបូងខេត្តតាកែវ។

  បច្ចុប្បន្នកម្លាំងជំនាញបញ្ជូនខ្លួនជនត្រូវចោទ ទៅស្នងការដ្ឋាននគរបាលខេត្តតាកែវ ចាត់ការបន្តតាមនីតិវិធី។

(សូមអានបន្ត)

ឯកឧត្ដម កឹម រ័ត្នវិសិដ្ធ អញ្ជើញចុះត្រួតពិនិត្យវឌ្ឈភាពគម្រោងសារវិស័យទេសចរណ៍សហគមន៌ពីវបត្ថិកូវិដ-១៩

 

ខេត្តព្រះវិហារ. នៅថ្ងៃទី២៩ ខែមេសា ឆ្នាំ២០២៥ ឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាល វ.ស.ស. និងជានាយកគម្រោង 

CBTCR និងលោក Kov Monyroth ប្រធានក្រុមបេសកកម្ម ADB បានអញ្ជើញចុះត្រួតពិនិត្យវឌ្ឍនភាពគម្រោងស្តារវិស័យទេសចរណ៍សហគមន៍ពីវិបត្តិកូវីដ-១៩ (CBTCR) នៅក្នុងភូមិតេជោធម្មជាតិ ឃុំស្រអែម ស្រុកជាំក្សាន្ត ខេត្តព្រះវិហារ ដោយមានការអមដំណើរដោយថ្នាក់ដឹកនាំ និងមន្រ្តីអង្គភាពដឹកនាំអនុវត្តគម្រោងថ្នាក់ជាតិ (PCU-CSAF)  ក្រុមបេសកកម្ម ADB  ទីប្រឹក្សាគម្រោង ថ្នាក់ដឹនាំ និងមន្ត្រីអង្គភាពអនុវត្តគម្រោងអាជ្ញាធរជាតិព្រះវិហារ (PIU-NAPV) មន្ទីរទេសចរណ៍ខេត្តព្រះវិហារ រដ្ឋបាលស្រុកជាំក្សាន្ត  មេឃុំស្រអែម មេភូមិធម្មជាតិ មន្ត្រីជំនាញអាជ្ញាធរជាតិព្រះវិហារ និងគណៈកម្មការសហគមន៍ទេសចរណ៍ធម្មជាតិទំនប់អូរស្វាយ សរុប ៤៦រូប។

ឆ្លៀតនៅក្នុងឱកាសមកពិនិត្យត្រួតពិនិត្យវឌ្ឍនភាពគម្រោងនេះ ឯកឧត្តម កឹមរ័ត្ន វិសិដ្ឋ រួមជាមួយនឹងលោក Kov Monyroth ក៏បានសម្ពោធ និងប្រគល់អគារមជ្ឈមណ្ឌលសហគមន៍ជូនគណៈកម្មការសហគមន៍ទេសចរណ៍ធម្មជាតិទំនប់អូរស្វាយ។

គួរបញ្ជាក់ផងដែរថា គណៈកម្មការសហគមន៍ទេសចរណ៍ធម្មជាតិទំនប់អូរស្វាយត្រូវបានបង្កើតឡើងក្រោមក្របខណ្ឌគម្រោង CBTCR ដោយមានសមាជិក ១១រូប ក្នុងនោះស្រី ៥រូប ដែលមានប្រធាន ១រូប  អនុប្រធាន ១រូប និងសមាជិកតាមផ្នែកនីមួយៗចំនួន ៩រូប ក្នុងគោលបំណង ១). ចូលរួមអនុវត្តគោលនយោបាយអភិវឌ្ឍន៍ទេសចរណ៍ជាតិ និងយុទ្ធសាស្ត្រកាត់បន្ថយភាពក្រីក្ររបស់រាជរដ្ឋាភិបាល តាមរយៈការអភិវឌ្ឍសហគមន៍ទេសចរណ៍ ២). ថែរក្សាការពារព្រៃឈើ ធនធានជីវៈចម្រុះ និងប្រភពទឹក ដើម្បីប្រយោជន៍រួមរបស់ប្រជាជនក្នុងសហគមន៍ ៣). បង្កើនមុខរបរ និងប្រាក់ចំណូលសម្រាប់សហគមន៍តាមរយៈសេវាកម្មទេសចរណ៍ ៤). បំពេញបន្ថែមតម្រូវការរបស់ប្រជាជន ដោយការប្រើប្រាស់ធនធានធម្មជាតិប្រកបដោយនិរន្តរភាពតាមរយៈទេសចរណ៍សហគមន៍ និង ៥).បង្កើនការចូលរួមរបស់សហគមន៍ជាអតិប្បរមាក្នុងការគ្រប់គ្រង អភិរក្សធនធានជីវៈចម្រុះ តាមរយៈការរៀបចំសេវាកម្មទេសចរណ៍សហគមន៍ និងកសិទេសចរណ៍។

(សូមអានបន្ត)

អភិបាលខេត្តតាកែវ អញ្ជើញជួបសំណេះសំណាលជាមួយ សហគមន៍ភ្ញាស់ពងទាកូន ស្រែរនោង ស្ថិតនៅស្រុកត្រាំកក់....

 

តាកែវ៖ នាព្រឹកថ្ងៃពុធ ទី២៣ ខែមេសា ឆ្នាំ២០២៥ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ បាន អញ្ជើញចុះពិនិត្យមើលការភ្ញាស់ពងទាកូន និង ពងទាសាប របស់ សហគមន៍ពងទាស្រែរនោង ស្ថិតនៅឃុំស្រែរនោង ស្រុកត្រាំកក់ ។

អញ្ជើញអមដំណើរ ឯកឧត្តម អភិបាលខេត្ត ដោយ លោកប្រធានមន្ទីរកសិកម្ម រុក្ខា ប្រមាញ់ និងនេសាទខេត្ត លោក កេត ម៉ៅ អភិបាលស្រុកត្រាំកក់ និង អាជ្ញាធរមូលដ្ឋានស្រុក ឃុំ ភូមិ និងសហគមន៍ផងដែរ។
យោងតាមការបញ្ជាក់ របស់ លោក កេត ម៉ៅ អភិបាលស្រុកត្រាំកក់ បានឱ្យដឹងថា នៅសហគមន៍ភ្ញាសពងទា ស្រែរនោង មានចំនួន ២២ទីតាំង ក្នុងនោះភ្ញាស់ដោយអង្កាម មានចំនួន ៣ទីតាំង ភ្ញាស់ពាក់កណ្ដាលស្វ័យប្រវត្តិ មានចំនួន ៧ទីតាំង និងភ្ញាស់ដោយខ្សែភ្លើង មានចំនួន ១២ទីតាំង ដោយធ្វើការផលិតពងទាកូន និងពងទាសាប សម្រាប់ទៅផ្គត់ផ្គង់លើទីផ្សារ មានចន្លោះចាប់ពី ២០ម៉ឺនគ្រាប់ ទៅ ២៥ម៉ឺនគ្រាប់ ក្នុងមួយថ្ងៃ។ លោកអភិបាលស្រុក បានបន្ថែមថា នៅក្នុងនោះ សហគមន៍ ក៏មានហ្វូងទា ចំនួនជាង ៤៥ម៉ឺនក្បាល ដែលសម្រាប់ផ្គត់ផ្គង់ស៊ុតជាប្រចាំថ្ងៃដល់សហគមន៍ ដើម្បីផលិត ជាពងទាកូន និងពងទាសាប សម្រាប់លក់លើទីផ្សារផងដែរ ៕

(សូមអានបន្ត)

ទីតាំងឆ្នោយឡូតូ២កន្លែងបើកលេងបានយ៉ាងស្រួល ដោយមិនមានអជ្ញាធមនិងសមត្ថិកិច្ចពាក់ព័ន្ធមិនព្រមធ្វើការបង្រ្កាប……….

ភ្នំពេញ.ថ្ងៃទី២៦ខែមិនាឆ្នាំ២០២៥ មានទីតាំងលេងល្បែងសុីសងឆ្នោទឡូតូ២កន្លែងកំពង់បង្វក់មនុស្សចូលលេងបានយ៉ាងស្រួល បែបអជ្ញាធរនិងសមត្ថិកិច្ចពាក់ព័ន្ធហាក់មើលមិនឃើញទៅវិញ    ឬមួយប្រហែលជាកន្លែងសំរាប់សែនព្រេងលាភសក្ខារៈជួនដល់អជ្ញាធមនិងសមត្ថិកិច្ចមូលដ្ថានហើយមើលទៅ បានជាមិនហ៊ានបង្រ្កាប់បែបនេះ ទីតាំងទាំង០២នេះស្ថិតនៅភូមិដំណាក់ធំ សង្កាត់ស្ទឹងមានជ័យ៣  ខណ្ឌស្ទឹងមានជ័យ  រាជធានីភ្នំពេញ ។

បើតាមប្រភពពីបងប្អូនប្រជាពលរដ្ធដែលរស់ក្បែរនោះបានប្រាប់មកអង្គភាពយើងថា.ពួកគាត់ពិតជាព្រួយបារម្មណ៍យ៉ាងខ្លាំងពីសុវត្ថិភាពកូនចៅរបស់គាត់ណាស់គឺមិនគិតពីការរៀនសូត្រ ចោរលួច ចោរផ្លន់ ហឹង្សារក្នុងគ្រួសារ ដោយសារល្បែងសុីសងនេះ  ប្រភពដដែលនៅតែបន្តទៀតថា.ពួកគាត់ក៍ធ្លាប់បានរាយការជួនទៅសមត្ថិកិច្ចនៅនិងប៉ុស្ថិ៍ដែរតែមិនមានប្រសិទ្ធភាពឡើយហាក់បីដួចជាត្រូវថ្នាំសន្ដំហើយខាងសមត្ថិកិច្ចតែងតែនិយាយថាមកពីកម្លាំងពួកគាត់តិចម្លោះហើយបានជាបង្រ្កាបមិនបានទាន់ពេល មិនតែប៉ុនណ្ណោះពេលដែរខាងសមត្ថិកិច្ចចេញទៅវិញជួនកាលគេបើកលេងធម្មតាដូចមិនមានអ្វីដែលត្រូវគួរអោយខ្លាចផង គ្រាន់តែមកបង្រ្គប់កិច តើពិតដូចពាក្យចាស់ថាកន្ទេលធំបន្លំដេកមែនឬទេ?ឬក៍មានការសែនព្រេងរាប់ចំមុនអាពុម្គបន្ទនចិត្តដើម្បីលាភសក្ខរៈពួកអស់ទាំងនេះ។

ដូចនេះហើយពួកគាត់សុំសំណុំពរដល់លោកឧត្ដមសេនីយ៌ឯក ជួន ណារឹន្ទនិងជាពិសេសឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញជួយដាក់កម្លាំងពិនឹត្យនិងបង្រ្កាបទីតាំងខាងលើនេះផងទៀន ដើម្បីសុវត្ថិភាពនៅក្នុងមូលដ្ថានដែលប្រមុខរាជរដ្ថាភិបាលដាក់ចេញមក។

រូបភាពអត្ថបទ: វុទ្ធី សូមរក្សាសិទ្ធ #រដ្ធបាលខណ្ឌពោធិសែនជ័យ #ស្នងការដ្ថាននគបាលរាជធានីភ្នំពេញ #ក្រសួងមហាផ្ទៃ #កងរាជអាវុតហត្ថរាជធានីភ្នំពេញ #កងរាជអាវុតហត្ថលើផ្ទៃប្រទេស #រដ្ធបាលរាជធានីភ្នំពេញ #ក្រសួងយុត្ថិធម៌ #អធិការដ្ថាននគបាលខណ្ឌពោធិសែនជ័យ #អធិការដ្ថាននគបាលខណ្ឌជ្រោយចង្វារ #ឧត្ដមសេនីយ៌ជួនណារឹន្ទ #ឯកឧត្ដមឃួងស្រេង #សម្ដេចហ៊ុនម៉ាណែត #ឯកឧត្ដមសសុខា #លោកសក់ច័ន្ទកញ្ញារិទ្ធ #រតនា #ជុំគឿន #ប៉ុស្ថិរដ្ធបាលការកាបទី២ #អង្គភាពប្រឆាំងអំពើពុករលួយ

(សូមអានបន្ត)

ឃាត់ខ្លួនជនសង្ស័យ៤នាក់ពាក់ព័ន្ធករណីចែកចាយនិងប្រើប្រាស់នៃសារធាតុញៀន.........

 ខេត្តតាកែវ.នៅថ្ងៃទី២២ ខែមីនា ឆ្នាំ២០២៥ វេលាម៉ោង២០និង១០នាទី លោកវរសេនីយ៍ឯក នួន ប៉ិន អធិការនគរបាលស្រុកអង្គរបូរី បានបញ្ជាកម្លាំងជំនាញនៃអធិការដ្ឋាននគរបាលស្រុកអង្គរបូរី សហការជាមួយកម្លាំងប៉ុស្តិ៍រដ្ឋបាលបាស្រែ បានចុះបង្ក្រាបមុខសញ្ញាជួញដូរ រក្សាទុក និងប្រើប្រាស់សារធាតុញៀនខុសច្បាប់ នៅចំណុចរោងរបស់ឈ្មោះ ជួន ឆុន ស្ថិតក្នុងភូមិរំលក ឃុំបាស្រែ ស្រុកអង្គរបូរី ខេត្តតាកែវ ឃាត់ខ្លួនជនសង្ស័យចំនួន ០៤នាក់ មានដូចខាងក្រោមៈ

១.ឈ្មោះ ជួន ឆុន ភេទប្រុស អាយុ៣៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិរំលក ឃុំបាស្រែ ស្រុកអង្គរបូរី ខេត្តតាកែវ (ជួញដូរ និងប្រើប្រាស់)

 ២.ឈ្មោះ ទេព សារិទ្ធ ភេទប្រុស អាយុ៣៩ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រៃបាសឹង ឃុំបាស្រែ ស្រុកអង្គរបូរី ខេត្តតាកែវ (រក្សាទុក និងប្រើប្រាស់)

  ៣.ឈ្មោះ ស៊ិន សិទ្ធ ភេទប្រុស អាយុ២៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រៃបាសឹង ឃុំបាស្រែ ស្រុកអង្គរបូរី ខេត្តតាកែវ( ប្រើប្រាស់)

   ៤.ឈ្មោះ អ៊ូច ចិត្ត ភេទប្រុស អាយុ២៩ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិបានយ ឃុំអង្គាញ់ ស្រុកព្រៃកប្បាស ខេត្តតាកែវ (ប្រើប្រាស់)

 •ដកហូតបានវត្ថុតាងមួយចំនួនមានដូចខាងក្រោម៖

១.ម្សៅក្រាមពណ៌សថ្លា ចំនួន០១កញ្ចប់

២.ថង់ប្លាស្ទិចសំរាប់វិចខ្ចប់សារធាតុញៀនមួយចំនួន

៣.ទូរស័ព្ទដៃ ចំនួន ០៣គ្រឿង

៤.ម៉ូតូ ចំនួន ០១គ្រឿង

  ករណីនេះសមត្ថកិច្ចជំនាញកំពុងធ្វើការសាកសួរនៅអធិការដ្ឋាន ដើម្បីកសាងសំណុំរឿងតាមនីតិវិធី។

(សូមអានបន្ត)

ឯកឧត្ដមធាម ច័ន្ទពិសិដ្ឋប្រធានសាលាដំបូងខេត្តតាកែវនិងឯកឧត្ដម ឯក ឆេងហួត ព្រះរាជអាញ្ញានៃអយ្យការអមសាលាដំបូងខេត្តតាកែវ បានបើកកិច្ចប្រជុំបូកសរុបលទ្ធផលការងារវិស័យយុត្ថិធម៌ឆ្នាំ២០២៥......

ខេត្តតាកែវ.នាព្រឹកថ្ងៃពុធ៦រោច ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៩ ខែមីនា ឆ្នាំ២០២៥ នៅសាលប្រជុំសាលាដំបូង​ និង​អយ្យការអមសាលា​ដំបូងខេត្តតាកែវ  បានរៀបចំកិច្ចប្រជុំផ្សព្វផ្សាយលទ្ធផលសន្និបាតបូកសរុបលទ្ធផលការងារវិស័យយុត្តិធម៌ឆ្នាំ២០២៤ និងកំណត់ទិសដៅការងារជាអាទិភាពឆ្នាំ២០២៥ និងការងារផ្ទៃក្នុងមួយចំនួន ដែលកិច្ចប្រជុំនេះប្រព្រឹត្តទៅក្រោមអធិបតីភាព ឯកឧត្តម​ ធាម ច័ន្ទពិសិដ្ឋ ប្រធាន​សាលាដំបូងខេត្តតាកែវ និង ឯកឧត្តម​ ឯក ឆេងហួត ព្រះ​រាជអាជ្ញា​នៃ​អយ្យការ​អមសាលា​ដំបូងខេត្ត​តាកែវ ​ ដោយមានការអញ្ជើញចូលរួមពី លោកអនុប្រធានសាលាដំបូង លោក លោកស្រីចៅក្រម  ព្រះរាជអាជ្ញារង លោកប្រធាន-អនុប្រធានលេខាធិការដ្ឋាន លោក លោកស្រីក្រឡាបញ្ជី ប្រធាន-អនុប្រធានការិយាល័យ និងមន្រ្តីនៃលេខាធិការដ្ឋានរដ្ឋបាលទាំងអស់។

ឯកឧត្ដមប្រធានសាលាដំបូង និងឯកឧត្តមព្រះរាជអាជ្ញា បានជម្រាបជូនអង្គប្រជុំនូវខ្លឹមសារនៃលទ្ធផលសន្និបាតបូកសរុបលទ្ធផលការងារវិស័យយុត្តិធម៌ឆ្នាំ២០២៤ និងកំណត់ទិសដៅការងារជាអាទិភាពឆ្នាំ២០២៥ ដោយបានកត់សម្គាល់ទៅលើចំណុច៖

- ការប្រាក់ និងការប្រាក់យឺតយ៉ាវ

- ការទទួលស្គាល់ជាសន្តតិជន និងការបែងចែកមត៌ក

- ការប្រើប្រាស់សិទ្ធិអំណាច និងឆន្ទានុសិទ្ធិរបស់ចៅក្រម ព្រះរាជអាជ្ញា ព្រះរាជអាជ្ញារង ប្រកបដោយការទទួលខុសត្រូវខ្ពស់ ដោយប្រកាន់ខ្ជាប់នូវឧត្ដមគតិយុត្តិធម៌។

ឯកឧត្ដមប្រធានសាលាដំបូង និងឯកឧត្តមព្រះរាជអាជ្ញា ក៏បានជម្រាបជូន និងណែនាំការងារផ្ទៃក្នុងមួយចំនួនដូចខាងក្រោម​៖

- សេចក្តីណែនាំរួម ស្តីពីការជូនដំណឹងអំពីសាលក្រម ឬសាលដីកាព្រហ្មទណ្ឌកំបាំងមុខ ចុះថ្ងៃទី១២ ខែមីនា ឆ្នាំ២០២៥ របស់ក្រសួងយុត្តិធម៌ និង តុលាការកំពូល

- ការសរសេរ និងបញ្ជូនសាលក្រមឱ្យទាន់ពេលវេលា។ 

- ការពង្រឹងសីលធម៌ វិន័យកាងារ និងការរៀបចំស្លាកមន្ត្រីឱ្យបានច្បាស់លាស់។

(សូមអានបន្ត)

អាវុធហត្ថរាជធានីភ្នំពេញ ទទួលរថយន្ត Ford ចំនួន ០៥គ្រឿង ពីលោកឧកញ៉ា យ៉ាំ ស៊ីងហ៊ ......

ភ្នំពេញ.ថ្ងៃទី០៧ខែមិនាឆ្នាំ២០២៥ រថយន្ត Ford សេរីថ្មី ចំនួន០៥គ្រឿង ត្រូវបានលោកឧកញ៉ា យ៉ាំ ស៊ីងហ៊ ប្រគល់ជូនអង្គភាព អាវុធហត្ថរាជធានីភ្នំពេញ សម្រាប់ប្រើប្រាស់ជាមធ្យោបាយ ក្នុងការរួមចំណែកលើការងារចុះប្រតិបត្តិការ បង្រ្កាបបទល្មើស ការពារសន្តិសុខ សុវត្ថិភាព ជូនប្រជាពលរដ្ឋក្នុងភូមិសាស្រ្ត រាជធានីភ្នំពេញ ថ្នាក់ដឹកនាំជាតិ-អន្តរជាតិ ជាពិសេសត្រៀមការពារសន្តិសុខ សុវត្ថិភាព ជូនប្រតិភូតាមបណ្តាប្រទេសផ្សេងៗ ដែលនឹងមកចូលរួម ក្នុងកិច្ចប្រជុំលំដាប់អន្តរជាតិនានានៅកម្ពុជា។

បន្ទាប់ពីទទួលបានរថយន្ត ពីសប្បុរសជន លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស មេបញ្ជាការកងរាជអាវុធហត្ថរាជធានីភ្នំពេញ បានធ្វើការកែច្នៃ និងបំពាក់សម្ភារៈបន្ថែមលើរថយន្ត ដែលអាចប្រើបានច្រើនមុខងារ បត់បែនតាមកាលៈទេសៈ និងប្រារព្ធពិធីប្រគល់ទទួលនារសៀលថ្ងៃទី០៧ ខែមីនា ឆ្នាំ២០២៥។

នាឱកាសនេះផងដែរ លោកឧត្តមសេនីយ៍ឯក រ័ត្ន ស្រ៊ាង បានសម្តែងនូវការថ្លែងអំណរគុណយ៉ាងជ្រាលជ្រៅចំពោះ លោកឧកញ៉ា យ៉ាំ ស៊ីងហ៊ ដែលមានទឹកចិត្តស្រលាញ់គាំទ្រ កម្លាំងកងរាជអាវុធហត្ថ ព្រមទាំងបានចំណាយថវិកាផ្ទាល់ខ្លួន ទិញរថយន្តទាំង០៥គ្រឿង ប្រគល់ជូនអង្គភាព អាវុធហត្ថរាជធានីភ្នំពេញ។

(សូមអានបន្ត)