ភ្នំពេញ ៖ ប្រតិបត្តិការឡោមព័ទ្ធទីតាំងអាផាតមិនមួយកន្លែងនេះ ដែលបានបង្កអោយមានការភ្ញាក់ផ្អើលនៅ រសៀល ថ្ងៃទី១៩ ខែមករា ឆ្នាំ២០២៥ នៅតាមបណ្តោយផ្លូវបេតុងក្នុងសង្កាត់ស្ទឹងមានជ័យទី០៣ ខណ្ឌមានជ័យ រាជធានីភ្នំពេញ ។
កម្លាំងអគ្គស្នងការនគរបាលជាតិឃាត់ខ្លួនប្រុសស្រី ជនជាតិចិន និងវៀតណាមជាង៣០០នាក់ ពាក់ព័ន្ធលួចលាក់បង្កប់ បើកនឹងលេងល្បែងស៊ីសងអនឡាញខុសច្បាប់នៅចំណុច អគារ « មានជ័យ អាផាតមិន» ។
ឯកឧត្តម ច្រឹង ខ្មៅ ព្រះរាជអាជ្ញាអមសាលាដំបូងរាជធានីភ្នំពេញ នៅថ្ងៃទី១០ ខែមករានេះ ទទួលស្គាល់កំហុសដោយអចេតនា ក្រោយអយ្យការអមសាលាដំបូងរាជធានីភ្នំពេញ បញ្ជាក់ស្លាកលេខរថយន្ត និងម៉ាករថយន្ត នៅក្នុងសេចក្ដីប្រកាសព័ត៌មាន នៅថ្ងៃទី៩ ខែមករា ខុសពីស្លាកលេខ និងម៉ាករថយន្ត ដែលបង្កហេតុជាក់ស្ដែង កាលពីថ្ងៃទី០៦ ខែមករា ឆ្នាំ២០២៥។
ឯកឧត្តម ច្រឹង ខ្មៅ ក៏បានអរគុណដល់ម្ចាស់ហ្វេសប៊ុកផេក អាចារ្យធំនគររាជ ដែលបានចង្អុលនូវកំហុសរបស់អ្នកនាំពាក្យអយ្យការអមសាលាដំបូងរាជធានីភ្នំពេញ ហើយកាន់តែល្អប្រសើរប្រសិន បើអាចារ្យធំបានសាកសួរមុន ដើម្បីអ្នកនាំពាក្យធ្វើការកែកំហុស។ វាជាកំហុសដោយអចេតនា ដែលអ្នកដទៃអាចជួយកែសម្រួល រួមទាំងអាចារ្យធំ ផងដែរ។ នេះបើតាមការបញ្ជាក់របស់ឯកឧត្តម ច្រឹង ខ្មៅ។ ប៉ុន្តែយ៉ាងណាមិញ កំហុសដោយអចេតនានេះ អ្នកនាំពាក្យអយ្យការសាលាដំបូងរាជធានីភ្នំពេញ ធ្វើការកែសម្រួលរួចហើយ។
ឆ្លៀតក្នុងឱកាសនេះ, ឯកឧត្តមព្រះរាជអាជ្ញាអមសាលាដំបូងរាជធានីភ្នំពេញ បានសំណូមពរដល់សាធារណជន រួមទាំងអាចារ្យធំ គួរជៀសវាងរំលេចពាក្យពេចន៍លើបណ្តាញសង្គម ដែលនាំឱ្យមានការយល់ច្រឡំ ដែលនាំឱ្យមានការជេរប្រមាថបុគ្គល ឬស្ថាប័ន និងដែលអាចនាំឱ្យមានការទទួលខុសត្រូវតាមផ្លូវច្បាប់។
ឯកឧត្តម ច្រឹង ខ្មៅ ក៏បានគូសបញ្ជាក់ដែរថា ករណីបទល្មើសចរាចរណ៍ជាករណីអាទិភាពដែលអយ្យការបានយកចិត្តទុកដាក់បំផុត ក្នុងការចោទប្រកាន់ជនបង្កដែលមានកំហុស និងពុំអាចរួចខ្លួននៅពេលបានសងសំណងដល់ជនរងគ្រោះនោះទេ ព្រមទាំងពិនិត្យលើសេចក្តីសម្រេចរបស់តុលាការ អំពីទោសដែលផ្តន្ទាដើម្បីអនុវត្តសិទ្ធិប្តឹងឧទ្ធណ៍ ប្រសិនបើការសម្រេចដាក់ទោសស្រាលពេក។
ឯកឧត្តម ច្រឹង ខ្មៅ ក៏បានរួមរំលែកទុក្ខដ៏សែនក្រៀមក្រំ ចំពោះមរណភាពរបស់តារាចម្រៀងរ៉េប Ruthko ដែលបណ្ដាលមកពីគ្រោះថ្នាក់ចរាចរណ៍ កាលពីថ្ងៃទី០៦ ខែមករា ឆ្នាំ២០២៥។
ប្រភព៖ ហ្វេសប៊ុកឯកឧត្តម ច្រឹង ខ្មៅ
#តុលាការ #សាលាដំបូងរាជធានីភ្នំពេញ
ថ្ងៃទី៦ ខែមករា ឆ្នាំ២០២៥ កងរាជអាវុធហត្ថ បានចេញសេចក្តីប្រកាសព័ត៌មានក្រោយពីមន្ត្រីនគរបាលយុត្តិធម៌ បានបញ្ចប់ការស៊ើបអង្កេតរបស់ខ្លួន ពាក់ព័ន្ធនឹងនាយទាហាននៃកងរាជអាវុធហត្ថខេត្តតាកែវ ចំនួន៣រូប។
កងរាជរាជអាវុធហត្ថ ក្រោមការដឹកនាំរបស់ឯកឧត្តម នាយឧត្តមសេនីយ៍ សៅ សុខា បានដាក់ចេញនូវទិសស្លោក “ចំពោះប្រទេសជាតិត្រូវតែការពារ ចំពោះប្រជាត្រូវតែបម្រើ ច្បាប់ត្រូវតែគោរព បទល្មើសត្រូវតែបង្ក្រាប” ហើយយោធិននៃកងរាជអាវុធហត្ថ ត្រូវតែបានអប់រំ និងត្រូវតែអនុវត្តទិសស្លោកនេះឱ្យខ្ជាប់ខ្ជួន ដើម្បីជាគំរូក្នុងនាមជាមន្ត្រីប្រតិបត្តិច្បាប់ ប្រសិនបើបុគ្គលណាមិនគោរពត្រូវតែទទួលខុសត្រូវចំពោះអំពើរបស់ខ្លួន។
ជាក់ស្តែង កងរាជអាវុធហត្ថ បានធ្វើការស៊ើបអង្កេតស្រាវជ្រាវ រកឃើញបុគ្គលពាក់ព័ន្ធនឹងបទល្មើសឃាតកម្ម និងបទល្មើសគ្រឿងញៀន ចំនួន៤នាក់ ហើយតាមការស្តាប់ចម្លើយជនសង្ស័យទាំងនោះ ក៏ឈានដល់ឃាត់ខ្លួននាយទាហាននៃកងរាជអាវុធហត្ថខេត្តតាកែវចំនួន២រូបដែលពាក់ព័ន្ធនឹងអំពើសុីសំណូក និងធ្វើឱ្យបែកការសម្ងាត់ក្នុងការស៊ើបអង្កេត។
នេះហើយដែលកងរាជអាវុធហត្ថអនុវត្តតាមទិសស្លោក បើមិនគោរពច្បាប់ ប្រព្រឹត្តបទល្មើសត្រូវតែបង្ក្រាប និងអនុវត្តតាមច្បាប់ មិនមានការយល់យោគទេ។
រយៈពេល១សប្តាហ៍ ក្នុងដំណាច់ឆ្នាំ២០២៤ អាវុធហត្ថរាជធានីភ្នំពេញ ក្រោមការបញ្ជាផ្ទាល់ពី លោកឧត្តសេនីយ៍ឯក រ័ត្ន ស្រ៊ាង បានបន្តចុះបង្ក្រាប និងទប់ស្កាត់ ក្រុមក្មេងទំនើង ជាបន្តបន្ទាប់ ដូចភ្លៀងរលឹម ដោយឃាត់ខ្លួនសរុបចំនួន ៦៤នាក់ ដោយបានធ្វើការអប់រំតាមវិធានការការរដ្ឋបាលចំនួន ៥៤នាក់ ពាក់ព័ន្ធការប្រមូលផ្តុំគ្នាកណ្តាលអាធ្រាតមិនចូលផ្ទះ ផឹកស្រា ជក់វែប នៅទីសាធារណៈយ៉ាងអនាធិបតេយ្យ និងបញ្ជូនទៅតុលាការចំនួន ១០នាក់ ពាក់ព័ន្ធនឹងជម្លោះដេញវាយនិងកាប់គ្នា។
ក្មេងទំនើងទាំង ១០នាក់ ដែលអាវុធហត្ថរាជធានីភ្នំពេញ បញ្ជូនទៅតុលាការ រួមមាន៖ ឈ្មោះ ជឹម សុវណ្ណារាជ ភេទប្រុស អាយុ១៦ មុខរបរ មិនពិតប្រាកដ ពាក់ព័ន្ធករណី ប្រើដាវគំរាមកាប់អ្នកដ៏ទៃ, ឈ្មោះ ធី សំណាង ហៅ ណាងស្អុយ អាយុ២០ឆ្នាំ មុខរបរ សិស្ស ឈ្មោះ អៀប រតនៈភូល អាយុ ១៧ឆ្នាំ មុខរបរ មិនពិតប្រាកដ ឈ្មោះ ផល្លី សុជាតិ អាយុ ១៧ឆ្នាំ មុខរបរ មិនពិតប្រាកដ ឈ្មោះ នី អាប់ឌុលអាស៊ីក អាយុ ១៧ឆ្នាំ មុខរបរ មិនពិតប្រាកដ ឈ្មោះ ណេត រតនា អាយុ ២០ ឆ្នាំ មុខរបរ បុគ្គលិកហាងស្ទីម ឈ្មោះ សុវណ្ណ តារា អាយុ ១៦ឆ្នាំ មុខរបរ សិស្ស ឈ្មោះ គីម ហ៊ុយម៉ីង អាយុ ១៦ ឆ្នាំ មុខរបរ សិស្ស ឈ្មោះ ជួប សំណាង អាយុ១៧ ឆ្នាំ មុខរបរ សិស្ស ឈ្មោះ សេង សុខវិច្ឆិកា អាយុ ១៦ឆ្នាំ មុខរបរ សិស្ស ទាំង០៩នាក់នេះ ជាប់ពាក់ព័ន្ធជាមួយ ក្រុម កាហ្វេកែងចិន (CKJ) ក្រុមចានហោះ (JH) និងក្រុម មនុស្សតូចៗ (MTT) ដោយធ្វើសកម្មភាព ដេញកាប់និងវាយគ្នា ក្នុងខណ្ឌច្បារអំពៅ ដោយឡែកបក្ខពួកសេសសល់ ដែលកំពុងរត់គេចខ្លួន និងក្មេងទំនើងដ៏ទៃផ្សេងទៀត ដែលបង្ករអសន្តិសុខដល់សង្គម អាវុធហត្ថរាជធានីភ្នំពេញ កំពុងស្រាវជ្រាវស្វែងរកចាប់ខ្លួនជាបន្ត ដោយគ្មានការលើកលែង៕
កំពង់ឆ្នាំង៖ អធិការស្រុកជលគីរី ខេត្តកំពង់ឆ្នាំង ដែលទើបនឹងតែងតាំងជាអធិការនគរបាលស្រុក បានចងកធ្វើអត្តឃាតសម្លាប់ខ្លួនដោយមិនដឹងពីមូលហេតុ ដែលករណីនេះធ្វើឱ្យមានការភ្ញាក់ផ្អើលដល់ប្រជាពលរដ្ឋ នៅក្នុងមូលដ្ឋានទាំងព្រឹក។
ហេតុការណ៍នេះ បានកើតឡើងនៅវេលាម៉ោង៨ព្រឹកថ្ងៃទី៣០ ខែធ្នូ ឆ្នាំ២០២៤ នៅចំណុចភ្នំដងស្ថិតនៅក្រោយភូមិព្រៃគ្រីជើង ឃុំព្រៃគ្រី ស្រុកជលគីរី ខេត្តកំពង់ឆ្នាំង។
ជនរងគ្រោះដែលបានធ្វើអត្តឃាតចងកសម្លាប់ខ្លួនខាងលើនេះមានឈ្មោះ ណែម សេត អាយុ៥៤ឆ្នាំ ទើបតែងតាំងតំណែងជាអធិការនគរបាលស្រុកជលគីរី លោកអធិការរូបនេះមានទីលំនៅក្នុងភូមិឃុំកើតហេតុខាងលើ។
បើតាមការរៀបរាប់ពីក្រុមគ្រួសារ, លោក ណែម សេត មិនដែលមានបញ្ហាអ្វីនៅក្នុងគ្រួសារនោះឡើយ ហើយរូបគាត់ក៏គ្មានជំងឺប្រចាំកាយអ្វីដែរ។ គ្រួសារថា អាចមានបត្តិអ្វីមួយ តែលោកមិនដែលប្រាប់ដល់ក្រុមគ្រួសារ ឱ្យដឹងនោះទេកន្លងមកនេះ។
សមត្ថកិច្ចនគរបាលព្រហ្មទណ្ឌបច្ចេកទេសផ្នែកកោសល្យវិច្ច័យ នៃស្នងការដ្ឋាននគរបាលខេត្ត នៅព្រឹកថ្ងៃទី៣០ ខែធ្នូ បានចុះទៅពិនិត្យសាកសពនៅកន្លែងកើតហេតុ និងបានបញ្ជាក់ថា អធិការស្រុករូបនេះ គឺពិតជាស្លាប់ដោយការ ចងកធ្វើអត្តឃាតដោយខ្លួនឯងពិតមែន។ សមត្ថកិច្ចក៏បានប្រគល់សពទៅក្រុមគ្រួសារយកចាត់ចែងធ្វើបុណ្យនៅឯគេហដ្ឋានផងដែរ៕
កូរ៉េខាងត្បូង៖ មានមនុស្សយ៉ាងហោចណាស់ ៦២នាក់បានស្លាប់ និងជាច្រើននាក់ទៀតបានរងរបួស បន្ទាប់ពីយន្តហោះដឹកអ្នកដំណើររបស់កូរ៉េខាងត្បូងមួយគ្រឿង ដែលផ្ទុកមនុស្ស ១៨១នាក់ បានធ្លាក់នៅឯអាកាសយានដ្ឋានមួយ នៅភាគនិរតីប្រទេស នាព្រឹកថ្ងៃទី២៩ ខែធ្នូនេះ ខណៈចំនួនមនុស្សស្លាប់អាចនឹងកើនឡើងបន្ដ។ នេះបើយោងតាមទីភ្នាក់ងារសារព័ត៌មានកូរ៉េខាងត្បូងបានចេញផ្សាយ។
យន្តហោះដែលជួបឧប្បត្ដិហេតុនេះ បានកើតឡើងនៅវេលាម៉ោងជាង ៩ នាទីព្រឹក(ម៉ោងនៅកូរ៉េ) បន្ទាប់ពីយន្ដហោះបានបត់ចេញពីផ្លូវរត់ ខណៈពេលដែលចុះចត នៅអាកាសយានដ្ឋានអន្ដរជាតិMuan រួចក៏រត់ធ្លាក់ផ្លូវទៅបុកជញ្ជាំងថ្មក្នុងអាកាសយានដ្ឋានបណ្ដាលផ្ទុះឆេះ។ យន្ដហោះនេះ គឺរបស់ក្រុមហ៊ុនអាកាសចរណ៍កូរ៉េខាងត្បូង Jeju Air ជើងហោះហើរលេខ 7C2216 ផ្ទុកអ្នកដំណើរចំនួន១៧៥នាក់ និងអ្នកបម្រើការ៦នាក់ សរុបមនុស្សនៅលើយន្ដហោះ១៨១នាក់។ អាជ្ញាធរក្នុងតំបន់បានដាក់ការសង្ស័យថា ជើងយន្ដហោះសម្រាប់ចុះចតមិនដំណើរការ ជាហេតុបណ្ដាលឱ្យមានគ្រោះថ្នាក់កើតឡើង។ យ៉ាងណាពេលនេះក្រុមជំនាញកំពុងស៊ើបអង្កេតពីមូលហេតុពិតប្រាកដ។
គួរបញ្ជាក់ថា យន្ដហោះដែលជួបគ្រោះថ្នាក់គឺប្រភេទ Boeing 737-800 រហូតមកទល់ពេលនេះក្រុមហ៊ុន Boeing និងរដ្ឋបាលអាកាសចរណ៍សហព័ន្ធអាមេរិក មិនទាន់ចេញការឆ្លើយតបណាមួយទេ។ យន្តហោះនេះ មានផ្ទុកមនុស្ស ១៨១នាក់ ក្នុងនោះមានក្រុមអាកាសយានិក ៦នាក់ ធ្វើដំណើរចេញពីក្រុងបាងកកប្រទេសថៃ ឆ្ពោះទៅកាន់ប្រទេសកូរ៉េ។ អ្នកដំណើរភាគច្រើនគឺជាជនជាតិកូរ៉េខាងត្បូង៕
ខេត្តកណ្ដាល. ក្រោយពីទទួលបានព័ត៌មានភ្លាម ដោយអនុវត្តតាមបទបញ្ជាលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល កម្លាំងជំនាញខេត្ត សហការជាមួយកម្លាំងជំនាញក្រុងតាខ្មៅ និងស្រុកស្អាង ធ្វើការស្រាវជ្រាវឈានដល់ការឃាត់ខ្លួនយុវជនក្មេងទំនើងទាំង០២នាក់ នៅរសៀលថ្ងៃទី២៨.១២.២០២៤ រួមមាន៖
១.ឈ្មោះ ឡាក់ សុវិរៈ ភេទប្រុស ឆ្នាំកំណើត ២០០៧ ជាសិស្សវិទ្យាល័យស្អាង (ឃាត់ខ្លួន)។
