ឃាត់ខ្លួនបុរស់ម្នាក់ពាក់ព័ន្ធមុខសញ្ញាចែកចាយនិងប្រើប្រាស់នៃសារធាតុញៀន.....

 

ខេត្តតាកែវ.ថ្ងៃទី២៤ ខែមិថុនា ឆ្នាំ២០២៥ វេលាម៉ោង១៦និង១០នាទី លោកវរសេនីយ៍ឯក នួន ប៉ិន អធិការនគរបាលស្រុកអង្គរបូរី បានបញ្ជាកម្លាំងជំនាញនៃអធិការដ្ឋាននគរបាលស្រុកអង្គរបូរី និងសហការកម្លាំងប៉ុស្ថិរដ្ធបាលព្រៃផ្គាំបានចុះបង្ក្រាបមុខសញ្ញាជួញដូរនិងប្រើប្រាស់សារធាតុញៀនខុសច្បាប់ នៅចំណុចកញ្ចុះខាងមុខផ្ទះរបស់ឈ្មោះ ឃិន ខេង ស្ថិតក្នុងភូមិព្រៃផ្គាំក ឃុំព្រៃផ្គាំ ស្រុកអង្គរបូរី ខេត្តតាកែវ ឃាត់ខ្លួនជនសង្ស័យចំនួន ០១នាក់ ឈ្មោះ ឃិន ខេង ភេទប្រុស អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិព្រៃផ្គាំក ឃុំព្រៃផ្គាំ ស្រុកអង្គរបូរី ខេត្តតាកែវ។

 •ដកហូតបានវត្ថុតាងមួយចំនួនមានដូចខាងក្រោម៖

១.ម្សៅក្រាមពណ៌សថ្លា ចំនួន០៣កញ្ចប់

២.ទូរស័ព្ទដៃ ចំនួន ០១គ្រឿង

៣.ថង់ប្លាស្ទិចសំរាប់វិចខ្ចប់សាធាតុញៀនមួយចំនួន

 ករណីនេះសមត្ថកិច្ចជំនាញកំពុងធ្វើការសាកសួរនៅអធិការដ្ឋាន ដើម្បីកសាងសំណុំរឿងតាមនីតិវិធី។