គណៈបញ្ជាការឯកភាពរដ្ឋបាលស្រុកបាទី ធ្វើការឃាត់ខ្លួនក្មេងទំនើង៧នាក់ ពាក់ព័ន្ធធ្វើសកម្មភាពហឹង្សាលើជនរងគ្រោះ.....

ខេត្តតាកែវ. នៅថ្ងៃទី 10 ខែធ្នូឆ្នាំ 2024 កម្លាំងគណៈបញ្ជាការឯកភាពរដ្ឋបាលស្រុកបាទី យោងតាមការណែនាំរបស់លោក ភួន ឈីម អភិបាលស្រុក និងជាប្រធានគណៈបញ្ជាការឯកភាពស្រុកកម្លាំងអធិការដ្ឋាននគរបាលស្រុក បានដឹកនាំដោយផ្ទាល់ពីសំណាក់លោកវរសេនីឯក ឆាយ កែវ មុន្នី  អធិការនគរបាល នៅយប់ថ្ងៃទី៩ ខែធ្នូ ឆ្នាំ២០២៤នេះ បានធ្វើការស្រាវជ្រាវ ឈានដល់ការឃាត់ខ្លួនក្មេងទំនើងចំនួន៧នាក់ បានធ្វើសកម្មភាព កាប់ និងវាយលើជនគ្រោះ ចំនួន៣នាក់ ជាកម្មកររោងចក្រកាត់ដេរ នៅចំណុចមុខវិទ្យាល័យ ប៊ុនរ៉ានី ហ៊ុនសែន បាទី បណ្ដាលផ្លូវជាតិលេខ២ ឃុំចំបក់ ស្រុកបាទី នៅយប់ថ្ងៃទី៧ ខែធ្នូ ឆ្នាំ២០២៤

លោកវរសេនីយ៍ឯក ឆាយ កែវមុន្នី អធិការនគរបាលស្រុក បានបញ្ជាក់ថាយុវជនរងគ្រោះទាំង៣រូប ដោយសារក្មេងទំនើងខាងលើ ជាកម្មការរោងចក្រកាត់ដេរ នៅភូមិពន្សាំង ឃុំជើងគួន ស្រុកសំរោង ធ្វើដំណើរតាមម៉ូតូ ហើយចំពោះយុវជនទំនើងទាំង៧នាក់ ត្រូវកម្លាំងនគរបាលជំនាញ បាននឹងកំពុងកសាងនីតិវិធីបញ្ជូនទៅតុលាការ ចាត់ការបន្ត៕

ថ្ងៃអង្គារ ទី១០ ខែធ្នូ ឆ្នាំ២០២៤