ចាប់ខ្លួនមន្ត្រីនគរបាលចរាចរណ៍ស្នងការខេត្តតាកែវ ម្នាក់ពីបទរំលោភសេពសន្ថវៈលើអនីតិជនកុមារីអាយុ ១៣ឆ្នាំ...

 

ខេត្តតាកែវ៖ សមត្ថកិច្ចនៃអធិការដ្ឋានស្រុកគីរីវង្សបានធ្វើការឃាត់ខ្លួនមន្ត្រីប៉ូលិសចរាចរណ៍នៃស្នងការដ្ឋាននគរបាលខេត្តតាកែវម្នាក់ ពាក់ព័ន្ធករណីរំលោភសេពសន្ថវៈលើកុមារីអាយុ ១៣ឆ្នាំ  ក្រោយពីសាច់ញាតិនិងអាណាព្យាបាលកុមារីរងគ្រោះដាក់ពាក្យបណ្តឹងស្វែងរកការអន្តរាគមន៍។

តាមការបញ្ជាក់ពីសមត្ថកិច្ចប៉ុស្តិ៍នគរបាលរដ្ឋបាលឃុំអង្គប្រាសាទ នៅថ្ងៃទី២១ ខែកុម្ភៈ ឆ្នាំ២០២៣ វេលាម៉ោង៨និង៤៥នាទីព្រឹក ស្ថិតនៅភូមិលន្ទៈ ឃុំអង្គប្រាសាទ ស្រុកគីរីវង់ ខេត្តតាកែវ ។

កម្លាំងប៉ុស្តិ៍បានទទួលពាក្យបណ្តឹងពីឈ្មោះ ណឹម មួង ភេទប្រុស អាយុ ៥៤ឆ្នាំបានប្តឹងឈ្មោះ ខាន់ ពុទ្ធី ភេទប្រុស អាយុ ២២ឆ្នាំ ជាមន្រ្តីនគរបាលការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្តតាកែវ និងមានទីលំនៅបច្ចុប្បន្ន ភូមិត្រពាំងក្តុល ឃុំត្រពាំងសិលាខាងលិច ស្រុកបន្ទាយមាស ខេត្តកំពត។

ក្នុងពាក្យបណ្តឹងនោះ គឺប្តឹងចោទថាជនសង្ស័យខាងលើបានចាប់រំលោភសេពសន្ថវៈលើចៅស្រីឈ្មោះ ម ន ស អាយុ .១៣ឆ្នាំ (ស្នាក់នៅក្នុងបន្ទុកជាមួយជីតា) នៅចំណុចផ្ទះសំណាក់មួយ នៅតំបន់ទេសចរណ៍ជ្រោះផ្អោក ដែលប្រព្រឹត្តឡើងកាលពីថ្ងៃទី១៧ ខែកុម្ភៈ ឆ្នាំ២០២៣ ហើយចៅស្រីទើបតែបានបង្ហើបប្រាប់ជីតា នៅថ្ងៃទី២០ ខែកុម្ភៈ ឆ្នាំ២០២៣។ ក្រោយឮដំណឹងដែលចៅស្រីប្រាប់ ជីតាបានមកដាក់ពាក្យបណ្តឹងអោយសមត្ថកិច្ចជួយអន្តរាគមន៍តែម្តងទៅ។

បច្ចុប្បន្នជនសង្ស័យក្នុងករណីរំលោភសេពសន្ថវៈជាមួយអនី.តិជនខាងលើនេះ ត្រូវបានមត្ថកិច្ចជំនាញនៃអធិការដ្ឋាននគរបាលស្រុកគីរីវង់ធ្វើការសាកសួរ ដើម្បីកសាងសំណុំរឿងតាមនីតិវិធី៕

សូមអានបន្ត

ជិះ.ម៉ូតូ.ដួ.ល.ខ្លួន.ឯង ! នាំគ្នាប្រឌិតរឿងថា មានក្មេង៦នាក់ជិះម៉ូតូ៣គ្រឿង ធា.ក់.ដួ.ល.នៅចំណុចមុខវត្តត្រពាំងគល់ ដោយខ្លាចម្តាយស្តីបន្ទោស...

ខេត្តតាកែវ  ៖ នេះ បើយោងតាមសេចក្តីបំភ្លឺព័ត៌មានបន្ថែម របស់ស្នងការដ្ឋាននគរបាលខេត្តតាកែវ នៅរសៀលថ្ងៃទី១៨ ខែកុម្ភៈ ឆ្នាំ២០២៣ ជិះម៉ូតូដួលខ្លួនឯង ! នាំគ្នាប្រឌិតរឿងថាមានក្មេង៦នាក់ជិះម៉ូតូ៣គ្រឿងធាក់ដួលនៅចំណុចមុខវត្តត្រពាំងគល់ ដោយខ្លាចម្តាយស្តីបន្ទោស ។ 

នៅក្នុងសេចក្តីបំភ្លឺ បានបញ្ជាក់ថា  បន្ទាប់ពីស្នងការដ្ឋាននគរបាលខេត្តតាកែវ បានធ្វើសេចក្តីបំភ្លឺព័ត៌មាន ជុំវិញករណីផុសផ្សាយរបស់គណនី ឃុន លួងឆៃ ករណីគ្រោះថ្នាក់ចរាចរណ៍ យល់ច្រលំថាធាក់ផ្តួលប៉ុនប៉ងប្លន់ម៉ូតូ កាលពីថ្ងៃទី១៦ ខែកុម្ភៈ ឆ្នាំ២០២៣ ទើបនៅ នៅព្រឹកថ្ងៃទី១៨ ខែកុម្ភៈ ឆ្នាំ២០២៣នេះមានការចូលបំភ្លឺពីកុមារីឈ្មោះ ហ៊ីម នីហ្សា អាយុ១៣ឆ្នាំ រស់នៅភូមិកន្ទោង ឃុំអូរសារាយ ស្រុកត្រាំកក់ ខេត្តតាកែវ ថាមិនមានគ្រោះថ្នាក់អ្វីនោះទេ ដំណើររឿងនៅមុនកើតហេតុថ្ងៃទី១៦កុម្ភៈរូបនាង យុវតីឈ្មោះ ជូត ដាវី អាយុ១៧ឆ្នាំរស់នៅភូមិប្រគៀប ឃុំត្រពាំងធំខាងត្បូង ស្រុកតាំកក់ ខេត្តតាកែវ បានជិះចេញពីសាលាចិនស្ថិតនៅក្នុងវត្តមង្គលមានល័ក្ខវេលាម៉ោង៦ ពេលមកដល់មុខក្លោងទ្វាវត្តក៏បានហៅខ្លួនមកជិះជាមួយ។ រួចជិះតាមផ្លូវកៅស៊ូសំដៅទៅទិសខាងលិចខណៈមកដល់ចំណុចផ្លូវលំភូមិត្រពាំងក្រសាំងរៀងព្រិលៗ លូរខ្វែងក៏បានដួល(ដោយខ្លួនឯង) បណ្តាលឱ្យឈ្មោះជូតដាវី ផ្កាប់មុខផ្ទុបផ្លូវ ចំណែកខ្លួនជិះក្រោយរបួសដៃស្រាល រួចក៏គ្នាទៅពេទ្យ និងបាននាំគ្នាប្រឌិតរឿងថាមានក្មេង៦នាក់ជិះម៉ូតូ៣គ្រឿងធាក់ដួលនៅចំណុចមុខវត្តត្រពាំងគល់ ដោយខ្លាចម្តាយស្តីបន្ទោស។

បន្ទាប់ពីទទួលបានការបំភ្លឺនេះ អធិការដ្ឋាននគរបាលស្រុកត្រាំកក់ បានចុះទៅស្រាវជ្រាវជាក់ស្តែងទីតាំងកើតហេតុនិងផ្ទះយុវតីនោះភ្លាមៗ ជាលទ្ធផលយុវតីឈ្មោះ ជូត ដាវី អាយុ១៧ឆ្នាំរស់នៅភូមិប្រគៀប ឃុំត្រពាំងធំខាងត្បូង ស្រុកតាំកក់ ខេត្តតាកែវបានសារភាពថា ខ្លួនជិះដួលដោយខ្លួនឯងរួចកុហក់ថាត្រូវគេធាក់ដួលព្រោះខ្លាចម្តាយស្តីបន្ទោស ពិត ប្រាកដមែន មិនមែនជួបគ្រោះថ្នាក់ឬគេធាក់ផ្តួលនោះទេ។ ន័យដូចបានបំភ្លឺនេះ សូមសាធារណៈជន បានយល់ ជៀសវាងការផ្សព្វផ្សាយបន្ត ធ្វើឱ្យមានករយល់ច្រលំ៕

សូមអានបន្ត

មេតុងទីនម្នាក់ វេចលុយជិតកន្លះលានដុល្លារអាមេរិក ហើយរត់គេចខ្លួនបាត់ ធ្វើឲ្យកូនតុងទីន ប្រមាណជាង ៦០ នាក់ កំពុងទឹកភ្នែកជូតក្បាលជង្គង់...

 

ភ្នំពេញ ៖ កន្លងទៅថ្មីនេះ ករណីមេតុងទីនម្នាក់ វេចលុយជិតកន្លះលានដុល្លារអាមេរិក ហើយរត់គេចខ្លួនបាត់ ធ្វើឲ្យកូនតុងទីន ប្រមាណជាង ៦០ នាក់ កំពុងទឹកភ្នែកជូតក្បាលជង្គង់ ដែលអ្នកខ្លះអស់ ទាំងប្រាក់ខែ អ្នកខ្លះអស់ទាំងលុយខំរកស៊ីលក់ដូរបន្តិចបន្តួច យកមកលេងតុងទីន ដើម្បីសន្សំទុក និងចង់បានការប្រាក់ ។

តាមសំណេរអ្នកលេងបណ្តាញសង្គម ដែលបានបង្ហោះរូបមេតុង និងសរសេរថា «នេះជាមេតុងទីមួយរូបឈ្មោះ ហួយ វត្តនី ភេទស្រី អាយុ៣៦ឆ្នាំ ធ្វើមេតុងទីន នៅក្នុងស្ថាប័នមួយ ហើយបានឆបោកលុយកូនតុងទីន ពេញមួយស្ថាប័ននោះ អស់ប្រាក់រាប់សិបម៉ឺន ជិតកន្លះលានដុល្លារ បានវេចលុយកូនតុងទីនទាំងអស់នោះ ហើយរត់គេចបាត់ តាំងពីថ្ងៃទី១០ ខែធ្នូ ឆ្នាំ២០២២ មកម្លេះ ដែលធ្វើឲ្យកូនតុងទីន ដេកឈឺចាប់ ម្នាក់ៗស្ទើរតែស្លាប់ ចំណែកមេបានវេចលុយកូនយកទៅសំងំសុខតែម្នាក់ឯង នេះជាស្រីដែលចង្រៃបំផុត ដែលមិនយល់ពីការឈឺចាប់របស់គេ ។ ឈ្មោះ អឿន ម៉ូនីការ ជាមេតុងទីនម្នាក់ ដែរគេចាប់បាន ចុះហេតុអីឈ្មោះ ហួយ វត្តនី គេចាប់មិនបាន ឬមួយមានគេ នៅពីក្រោយខ្នង តើម្នាក់នោះជាអ្នកណា ? បញ្ជាក់ ខ្ញុំមិនសំដៅទៅលើអ្នកណាទេ ចឹងបើអ្នកមិនពាក់ព័ន្ធកុំចេញមុខមកអី» ។

ប្រភពព័ត៌មានពីកូនតុងទីនម្នាក់ ក្នុងចំណោមអ្នកលេងតុងទីនជាង៦០នាក់ បានសម្តែងនូវការឈឺចាប់បំផុត ចំពោះល្បិចកល ឆបោករបស់មេតុងទីនឈ្មោះ ហួយ វត្តនី ដែលវេចលុយរត់ ហើយមិនត្រូវបានចាប់ខ្លួន នាំមកឲ្យទទួលខុសត្រូវ ចំពោះមុខច្បាប់ លើទង្វើដែលគេប្រព្រឹត្តទេ ។

 មេតុងទីនឈ្មោះ ហួយ វត្តនី ជាមន្ត្រីបម្រើការងារនៅស្ថាប័នអយ្យការ នៃសាលាដំបូងរាជធានីភ្នំពេញ មានអាសយដ្ឋាន ផ្ទះលេខF4 E០ ផ្លូវបេតុង ភូមិបឹងសាឡាង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ ។

កាលពីថ្ងៃទី១៤ ខែមីនា ឆ្នាំ២០២២ បុគ្គលឈ្មោះ ហួយ វត្តនី បានប្រមូលមន្ត្រីបម្រើការងារនៅអង្គភាពជាមួយគ្នា លេងតុងទីនចំនួន៥ខ្សែ ក្នុង១ខ្សែ មានទឹកប្រាក់ចំនួន ២០០ដុល្លារ ហើយមួយខែដេញម្តង ក្រោយពេលបើកប្រាក់ខែរាងៗខ្លួន ។

 ដំបូងការលេងតុងទីននោះ គឹមានការជឿទុកចិត្តគ្នាណាស់ នៅពេលដល់ខែដេញតុងទីនម្តងៗ កូនបង់ឲ្យមេ ហើយមេ ក៏បានប្រគល់ប្រាក់ឲ្យទៅកូនណា ដែលដេញបានគ្រប់ចំនួនដែរ តែមួយរយៈចុងក្រោយនេះ មេមានកាន់ឈ្មោះខ្មោច រួចដេញបានប្រាក់ប្រមាណជិតកន្លះលានដុល្លារអាមេរិក រត់គេចខ្លួនបាត់ ។ ក្រោយពេលដឹងថា មេតុងទីន វេចលុយជិតកន្លះលានដុល្លាររត់គេចខ្លួនហើយ កូនតុងទីន បានដាក់ពាក្យបណ្តឹងចូលស្ថាប័នអយ្យការ អមសាលាដំបូងរាជធានីភ្នំពេញ ពីបទឆបោក និងរំលោភលើទំនុកចិត្ត ដើម្បីចាត់ការលើបុគ្គលរូបនោះតាមនីតិវិធី ៕

សូមអានបន្ត

កាំបិតតាំងតោអើយ អ្នកពិតជាពេញនិយមខ្លាំងណាស់!

 

ខេត្តតាកែវ ៖  កាលពីថ្ងៃទី ១៣ខែកុម្ភៈឆ្នាំ ២០២៣ វេលាម៉ោង ២៤.០០នាទី កម្លាំងជំនាញ នៃអធិការដ្ឋាននគរបាលស្រុកត្រាំកក់ បានឃាត់ខ្លួនមុខសញ្ញាក្មេងទំនើង២នាក់  នៅចំណុចភូមិស្រុកចេក ឃុំអង្គតាសោម ស្រុកត្រាំកក់(ចំណុចចន្លោះគីឡូម៉ែត្រលេខ៧៩-៨០) ជិះម៉ូតូមួយគ្រឿងធុនC125 ពណ៌ ខ្មៅពាក់ផ្លាកលេខភ្នំពេញ1.A T1350។

ជនសង្ស័យទាំង០២នាក់រួមមាន:

១-ឈ្មោះ ញឹម រដ្ឋា ភេទប្រុសអាយុ ២៥ឆ្នាំ ទីលំនៅភូមិត្រពាំងស្នោ ឃុំញ៉ែងញ៉ង ស្រុកត្រាំកក់ 

ទី២-ឈ្មោះ ម៉េង ផល្លី ភេទប្រុស អាយុ ២០ឆ្នាំ ទីលំនៅភូមិដំណាក់ត្រយឹង ឃុំតាកែន ស្រុកឈូក ខេត្តកំពត  ក្រោយឆែកឆេរបានឃើញអាវុធ(កាំបិតបាំងតោពណ៌ស តដងឈើប្រវែង ៥០ សង់ទីម៉ែត្រចំនួន០១)។  

ដោយមានបទបញ្ជាពីលោកឧត្តមសេនីយ៍ទោស្នងការ និងដឹកនាំសម្របសម្រួលនីតិវិធីដោយឯកឧត្តមព្រះរាជអាជ្ញាអមសាលដំបូងខេត្តតាកែវ  កម្លាំងជំនាញ បានឃាត់ខ្លួនជន សង្ស័យទាំង០២នាក់ និងវត្ថុតាងម៉ូតូនិងកាំបិត  ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធី។

សូមអានបន្ត