សមត្ថកិច្ចបើកប្រតិបត្តិការបង្ក្រាបបទល្មើសគ្រឿងញៀននៅទូទាំងប្រទេសបានចំនួន៩ករណី និងឃាត់ខ្លួនជនសង្ស័យចំនួន ៣២នាក់...

 

ភ្នំពេញ ៖ ក្នុងប្រតិបត្តិការបង្ក្រាបបទល្មើសគ្រឿងញៀនចំនួន៩ករណីនៅទូទាំងប្រទេស កាលពីថ្ងៃទី៣០ ខែសីហា ឆ្នាំ២០២២ សមត្ថកិច្ចបានធ្វើការឃាត់ខ្លួនជនសង្ស័យ ចំនួន៣២នាក់ (ស្រី៧នាក់)។

ក្នុងចំណោមជនសង្ស័យទាំង៣២នាក់ រួមមាន ៖ ជួញដូរ៥ករណី ឃាត់១៣នាក់ (ស្រី៣នាក់), ដឹកជញ្ជូនរក្សាទុក១ករណី ឃាត់២នាក់, ប្រើប្រាស់៣ករណីឃាត់១៧នាក់ (ស្រី៤នាក់)។ វត្ថុតាងដែលចាប់យកសរុប នៅថ្ងៃទី៣០ ខែសីហា រួមមាន ៖ មេតំហ្វេតាមីន (Ice) ស្មើ ០,៥៣ ក្រាម និង ១៣កញ្ចប់តូច។

ជាលទ្ធផល ខាងលើ ៨ អង្គភាព បាន ចូលរួម បង្ក្រាប ៖ នគរបាល ៖ ៦ អង្គភាព ១ : មន្ទីរ ៖ ប្រើប្រាស់ ២ ករណី ឃាត់ ១០ នាក់ ស្រី ១ នាក់ ។ ២ : កំពង់ឆ្នាំង ៖ ជួញដូរ ១ ករណី ឃាត់ ៦ នាក់ ស្រី ៣ នាក់ និង អនុវត្តន៍ ដីកា ១ ករណី ចាប់ ១ នាក់ ចាប់ យក Ice ០,៤២ ក្រាម ។ ៣ : កំពត ៖ ជួញដូរ ១ ករណី ឃាត់ ១ នាក់ និង អនុវត្តន៍ ដីកា ១ ករណី ចាប់ ១ នាក់ ចាប់ យក Ice ១ កញ្ចប់ តូច ។ ៤ : ក្រចេះ ៖ ជួញដូរ ១ ករណី ឃាត់ ៣ នាក់ ចាប់ យក Ice ១ កញ្ចប់ តូច ។ ៥ : សៀមរាប ៖ ប្រើប្រាស់ ១ ករណី ឃាត់ ៧ នាក់ ស្រី ៣ នាក់ ។ ៦ : ត្បូងឃ្មុំ ៖ រក្សា ទុក ១ ករណី ឃាត់ ២ នាក់ និង អនុវត្តន៍ ដីកា ១ ករណី ចាប់ ១ នាក់ ចាប់ យក Ice ១ កញ្ចប់តូច ។ កងរាជអាវុធហត្ថ ៖ ២ អង្គភាព ១ ៖ កំពង់ចាម ៖ ជួញដូរ១ករណី ឃាត់ម្នាក់ ចាប់យក Ice ០,១១ ក្រាម និងនៅរាជធានីភ្នំពេញ ៖ ជួញដូរ១ករណីឃាត់២នាក់ ចាប់យក Ice ១០ កញ្ចប់តូច៕

👉

សូមអានបន្ត

កម្លាំងសមត្ថកិច្ចឃាត់ខ្លួនជនជាតិចិនចំនួន ៤នាក់ ដោយសង្ស័យទៅនឹងករណីជួញដូរមនុស្ស...

ភ្នំពេញ ៖  កាលពី ល្ងាចថ្ងៃទី២៩ ខែសីហា ឆ្នាំ២០២២នេះ កម្លាំងសមត្ថកិច្ចធ្វេីការឃាត់ខ្លួនជនជាតិចិនចំនួន៤នាក់  ចំណុចភ្លើងស្តុបផ្លូវជាតិលេខ៤ ភូមិជម្ពូវ័ន១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ដោយសង្ស័យពាក់ព័ន្ធទៅនឹងករណីជួញដូរមនុស្ស។

រថយន្តតាក់សុីមួយគ្រឿង ម៉ាកឡិចសុីសRX300 ពណ៌ខ្មៅ ពាក់ស្លាកលេខ ភ្នំពេញ 2Q-3009 អ្នកបើកបរជនជាតិខ្មែរ ដឹកជនជាតិចិនចំនួន៤នាក់ សង្ស័យពាក់ព័ន្ធករណីជួញដូរមនុស្ស នៅក្រុងព្រះសីហនុ បានបើកចេញពីក្រុងព្រះសីហនុ ឆ្ពោះចូលរាជធានីភ្នំពេញ ហើយបានប្រកាសផ្សព្វផ្សាយឲ្យកងកម្លាំងសមត្ថកិច្ច បណ្តាខេត្ត ក្រុង ស្ទាក់ចាប់ឃាត់ ។

រថយន្តភិនភាគខាងលើ ត្រូវបានកម្លាំងស្នងការខេត្តកំពង់ស្ពឺហៅឃាត់ដែរតែមិនឈប់ ព្យាយាមបន្តបើកគេចរហូត លុះដល់ចំណុចភ្លើងស្តុបជម្ពូវ័ន ផ្លូវជាតិលេខ៤ ទើបកម្លាំងនគរបាលចរាចរក្រុងភ្នំពេញ សហការជាមួយកម្លាំងនគរបាលខណ្ឌពោធិ៍សែនជ័យស្ទាក់ឃាត់បានរថយន្តមួយគ្រឿងខាងលើមានដឹកជនជាតិចិនចំនួន៤នាក់ ។  

ឃាត់បានរថយន្តតាក់សុីមួយគ្រឿងខាងលើ រួមជាមួយជនជាតិចិនចំនួន៤នាក់ សមត្ថកិច្ចនាំយកទៅប៉ុស្តិ៍ចោមចៅទី៣ ខណ្ឌពោធិ៍សែនជ័យ រងចាំខាងនាយកដ្ឋានប្រឆាំង និងការពារការជួញដូរមនុស្ស នាំយកទៅសាកសួរបន្តតាមនីតិវិធី ៕

សូមអានបន្ត

រដ្ឋមន្រ្តីក្រសួងព័ត៌មាន បញ្ជាក់ជាថ្មីម្តងទៀតថា ចាប់ពីពេលនេះ ស្ថាបន័ព័ត៌មាន ណាដែលផ្សព្វផ្សាយប្រើពាក្យអសុរោះក្រសួងព័ត៌មាន នឹងអនុវត្តតាមនីតិវិធី និងបទដ្ឋានគតិយុត្តិ ដោយលុបអាជ្ញាបណ្ណ័តែម្តង ...

 

នៅក្នុងឱកាសនៃកិច្ចប្រជុំសាមញ្ញប្រចាំសប្តាហ៍ចុងខែសីហា របស់ថ្នាក់ដឹកនាំក្រសួងព័ត៌មាន ដោយមានការចូលរួមផ្ទាល់ និងតាមរយៈប្រព័ន្ធ វីដេអូ Zoom ដែលបានធ្វើឡើងនៅព្រឹកថ្ងៃទី២៩ ខែសីហា ឆ្នាំ២០២២ ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន បានបញ្ជាក់ជាថ្មីម្តងទៀតថា ចាប់ពីពេលនេះ ស្ថាបន័ព័ត៌មាន ណាដែលផ្សព្វផ្សាយប្រើពាក្យអសុរោះ ក្រសួងព័ត៌មាន នឹងអនុវត្តតាមនីតិវិធី និងបទដ្ឋានគតិយុត្តិ ដោយលុបអាជ្ញាបណ្ណ័ តែម្តង ដែលនេះជាប្រសាសន៍ណែនាំរបស់ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានធ្វើឡើងក្រោយក្រសួងព័ត៌មាន បានបិទចោលនូវអាជ្ញាបណ្ណសារព័ត៌មានមួយ កាលពីថ្ងៃទី២២ ខែសីហា ឆ្នាំ២០២២ បន្ទាប់ពីបានឡាយតាមរយៈទំព័រព័ត៌មានរបស់ខ្លួន ប្រើប្រាស់នូវពាក្យសម្ដីមិនសមរម្យ និងជេរប្រមាថអ្នកដទៃ។

    បើតាមការបញ្ជាក់របស់ ឯកឧត្តម មាស សុភ័ណ្ឌ  អនុរដ្ឋលេខាធិការ និងជាអ្នកនាំពាក្យ ក្រសួងព័ត៌មាន បានឲ្យដឹងថា ៨ខែ ឆ្នាំ២០២២នេះ ក្រសួងព័ត៌មាន ទើបតែលុបអាជ្ញាបណ្ណ អង្គភាពសារព័ត៌មាន ដែលបានផ្សព្វផ្សាយ ឬធ្វើអត្ថាធិប្បាយ លើប្រព័ន្ធផ្សព្វផ្សាយរបស់ខ្លួន ដោយប្រើប្រាស់ពាក្យអសុរោះ និងពាក្យជេរប្រមាថ តែ ១ករណី នេះទេ ។

សូមអានបន្ត

ស្រាវជ្រាវករណីជួញដូរកម្លាំងពលកម្ម នៅព្រះសីហនុ ឈានដល់ឃាត់ខ្លួនមនុស្ស ១១នាក់ និងដកហូតអាវុធមួយចំនួន...

 

 (ភ្នំពេញ)៖  នៅយប់រំលងអធ្រាត្រឈានចូលថ្ងៃទី២៦ ខែសីហា ឆ្នាំ២០២២នេះ នាយឧត្តមសនីយ៍ ខៀវ សុភ័គ រដ្ឋលេខាធិការ និងជាអ្នកនាំពាក្យក្រសួងមហាផ្ទៃ បានបញ្ជាក់ប្រាប់បណ្តាញព័ត៌មានឱ្យដឹងថា បន្ទាប់ពីស្រាវជ្រាវលើករណីជួញដូរកម្លាំងពលកម្មមួយ នៅខេត្តព្រះសីហនុ  សមត្ថកិច្ចរកឃើញអាវុធវែងខ្លីមួយចំនួន និងឃាត់ខ្លួនជនពាក់ព័ន្ធសរុប១១នាក់។

ប្រតិបត្តិការបង្ក្រាបករណីជួញដូរកម្លាំងពលកម្ម បានធ្វើឡើងតាំងពីថ្ងៃទី២៣ ខែសីហា ឆ្នាំ២០២២ បន្ទាប់ពីមានបណ្តឹងចូលប្រព័ន្ធ Hotline ក្រុមការងារសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃថា មាននារីម្នាក់ត្រូវបានក្រុមជនសង្ស័យចាប់បង្ខាំងទុក ដើម្បីឱ្យនៅបម្រើការងារក្នុងក្រុមហ៊ុនមួយកន្លែង នៅក្នុងខេត្តព្រះសីហនុ។ ប្រតិបត្តិការថ្ងៃដំបូងនោះ សមត្ថកិច្ចបានឃាត់ខ្លួនជនសង្ស័យ៥នាក់ ដែលជាជនជាតិចិន និងបានរំដោះនារីរងគ្រោះម្នាក់ដែលជាជនជាតិម៉ាឡេស៊ី។

នាយឧត្តមសេនីយ៍ ខៀវ សុភ័គ បានបញ្ជាក់បន្ថែមថា បន្ទាប់ពីស្រាវជ្រាវ ក្នុងកិច្ចប្រតិបត្តិការបន្តនេះ កម្លាំងសមត្ថកិច្ចឃាត់ខ្លួនបានជនសង្ស័យសរុប ០៨នាក់ ក្នុងនោះកម្លាំងសមត្ថកិច្ចដកហូតបាន អាវុធខ្លី ម៉ាក ZORAKI ចំនួន០១ដើម។ បន្តមកទៀត រហូតដល់យប់រំលងអធ្រាត្រវេលាម៉ោង ០១៖៣០នាទី រំលងអាធ្រាត្រ ឈានចូល ថ្ងៃទី២៦ ខែសីហា ឆ្នាំ២០២២កម្លាំងបានធ្វើការស្រាវជ្រាវបង្ក្រាបបាន ជនសង្ស័យជួញដូរអាវុធមួយដើមនោះ រហូតបន្តឈានទៅឃាត់ខ្លួនជនសង្ស័យ ០៣នាក់ទៀត ដែលមានខ្មែរ២នាក់ និងចិនម្នាក់ ព្រមទាំងដកហូតបានវត្ថុតាង អាវុធមួយចំនួនបន្ថែមទៀត ដែលមានឈ្មោះដូចខាងក្រោម៖

១៖ ឈ្មោះ TANG GUO HUI ភេទប្រុស អាយុ ៣២ឆ្នាំ មុខរបរបុគ្គលិកក្រុមហ៊ុន លិខិតឆ្លងដែនលេខៈ EH6362750

២៖ ឈ្មោះ សាន សុខឡេង ភេទប្រុស ជនជាតិខ្មែរ អាយុ៣៤ឆ្នាំ មុខរបរមិនពិតប្រាកដ។

៣៖ ឈ្មោះ ថៃ ឃាង ភេទប្រុស ជនជាតិខ្មែរ មុខរបរ មិនពិតប្រាកដ

ចំណែកវត្ថុតាងដែលត្រូវបានដកហូតបាន រួមមាន៖ អាវុធវែង២ដើម (ម៉ាត់ត្រយ៉ែត និងកាលីតឌូ), បង់ត្រឡោក ០១, បង់អាវុធវែង AK ចំនួន ០១, អាវុធខ្លី ០៣ដើម (សរុបរួម ០៤ដើម), ម៉ាក ZORAKI ពណ៌ខ្មៅ បង់១, ម៉ាក ZORAKI ពណ៌ខ្មៅ បង់១, ម៉ាក SIG SAURER ពណ៌ខ្មៅ បង់២, គ្រាប់កាំភ្លើង ២៤០គ្រាប់ (សរុបរួម ២៦៥គ្រាប់), រថយន្ត ចំនួន ០១គ្រឿង។

សូមបញ្ជាក់ថា ពេលនេះ កម្ពុជាកំពុងបើកប្រតិបត្តិការទ្រង់ទ្រាយធំ ដើម្បីត្រួតពិនិត្យការស្នាក់នៅរបស់ជនបរទេសនៅកម្ពុជា លើកលែងតែមន្រ្តីការទូត ដើម្បីពិនិត្យភាពស្របច្បាប់ និងរកមុខសញ្ញាដែលពាក់ព័ន្ធនឹងជួញដូរមនុស្ស៕

សូមអានបន្ត

អាចារ្យ គណៈកម្មការពុទ្ធបរិស័ទ្ធចំណុះជើងវត្តកំពង់ហ្លួង ធ្វើញាត្តិផ្ដិតមេដៃមិនគាំទ្រការតែងតាំងរភិក្ខុ ញឹម សុភារ ធ្វើជាព្រះចៅអធិការវត្តកំពង់ហ្លួង....

 

ខេត្តតាកែវ.នៅល្ងាចថ្ងៃទី១៩ខែសីហារឆ្នាំ២០២២ អាចារ្យគណៈកម្មការនឹងពុទ្ធបរិស័ទចំណុះជើងវត្តកំពង់លួងស្ថិតនៅក្នុងភូមិកំពង់លួង ឃុំអង្គរបុរី ស្រុកអង្គបុរី ខេត្តតាកែវ បានធ្វើញត្តិនិងផ្តិតមេដៃមិនគាំទ្រចំពោះភិក្ខុសង្ឃ ញឹម សុភាដែលត្រូវតែងតាំងជាព្រះចៅអធិការវត្តកំពង់លួងនៅថ្ងៃទី ២០ ខែសីហាឆ្នាំ ២០២២។

បើយោងតាមមតិរបស់គណកម្មការអាចារ្យវត្តនិងពុទ្ធបរិស័ទចំណុះជើងវត្តរួមទាំងប្រជាពលរដ្ឋទូទាំងស្រុកមិនពេញចិត្តនឹងបុគ្គលសង្ឃ ញឹម សុភា ជាព្រះចៅអធិការវត្តកំពង់ហ្លួងនោះទេដោយសារបុគ្គលសង្ឃរូបនេះជាព្រះចៅអធិការ វត្តសំបូរសាគរដែលហៅក្រៅ វត្តព្រៃផ្គាំ រួចទៅហើយ ។

ចំពោះអាកប្បកិរិយាមានបញ្ហាជាមួយពុទ្ធបរិស័ទជាច្រើនករណីហើយជាបុគ្គលសង្ឃមិនគោរពកាន់ការដឹកនាំទីវត្តអារាមប្រើកាយវិការមិនសមរម្យទៅលើគណៈកម្មការវត្តនិងពុទ្ធបរិស័ទចំណុះជើងវត្តដោយមានភាពជួយសម្របសម្រួលអន្តរាគមន៍ពីព្រះអនុគណ ជុំ ចេងព្រះចៅអធិការវត្តភ្នំបូរីបាននិមន្តបុគ្គលសង្ឃញឹមសុភាមកគ្រប់គ្រងជាព្រះចៅអធិការវត្តកំពង់ហ្លួងស្ដីទីបណ្ដោះអាសន្នតែងតាំងពីឆ្នាំរហូតមកដល់បច្ចុប្បន្ននេះក្នុងការគ្រប់គ្រងដឹកនាំព្រះសង្ឃនិងគណកម្មការអាចារ្យវត្តរួមទាំងពុទ្ធបរិស័ទចំណុះជើងវត្តមិនសប្បាយ កើតទុកមិនសុខចំពោះព្រះចៅអធិការវត្តដែលតែងតែប្រើកាយវិការនិងសង្ឃដោយការប្រកួតឯងអាងច្រឡោតខាងមិនគោរពវិន័យរួមទាំងមើលងាយដល់គណៈកម្មការអាចារ្យគ្រប់គ្រងបច្ច័យដែលសប្បុរសជនបានចូលរួមកសាងសមិទ្ធិផលនានាក្នុងការចំណាយមិនឲ្យព្រះសង្ឃនិងគណកម្មការអាចារ្យវត្តដឹងឡើយ។

លោកតាៗ ជាគណៈកម្មការវត្តជាច្រើនរូបសុំមិនបញ្ចេញឈ្មោះបានលើកឡើងថាបើអនុគុណស្រុកនិងលោកអភិបាលស្រុករួមទាំងមន្ទីធម្មការខេត្តនៅតែបន្តតែងតាំងព្រះសង្ឃអង្គនេះពុទ្ធបរិស័ទចំណុះជើងវត្តរួមទាំងប្រជាពលរដ្ឋក្នុងស្រុកអង្គរបុរីលែងមានជំនឿទៅលើថ្នាក់ដឹកនាំទៀតហើយជាពិសេសវត្តកំពង់លួងសប្បុរសជនបាត់បង់ស្មារតីក្នុងការធ្វើបុណ្យកសាងនៅទីនេះបន្តទៀតហើយ។

សូមរង់ចាំវគ្គបន្ត

សូមអានបន្ត

សម្តេចតេជោ អនុញ្ញាតឱ្យអ្នករាយការណ៍ពិសេសផ្នែកសិទ្ធិមនុស្ស របស់អង្គការសហប្រជាជាតិ ជួបសម្តែងការគួរសម និងពិភាក្សាការងារ

(ភ្នំពេញ)៖ នៅព្រឹកថ្ងៃអង្គារ ទី១៦ ខែសីហា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អនុញ្ញាតឱ្យលោក វិទិត មុនតាប៊ន (Vitit Muntarbhorn) អ្នករាយការណ៍ពិសេសរបស់អង្គការសហប្រជាជាតិ (UN) ទទួលបន្ទុកស្ថានភាពសិទ្ធិមនុស្សប្រចាំកម្ពុជា ចូលជួបសម្តែងការគួរសម និងពិភាក្សាការងារមួយចំនួនពាក់ព័ន្ធនឹងស្ថានភាពសិទ្ធិមនុស្សនៅកម្ពុជា។

លោក វិទិត មុនតាប៊ន ត្រូវបានអង្គការសហប្រជាជាតិ តែងតាំងទទួលបន្ទុកលើការងារសិទ្ធិមនុស្សនៅកម្ពុជា ជំនួស លោកស្រី រ៉ូណា ស្មីត កាលពីខែឧសភា ឆ្នាំ២០២១។ ចាប់តាំងពីតែងតាំង លោក វិទិត មុនតាប៊ន មិនដែលបានមកកាន់ប្រទេសកម្ពុជានោះឡើយ។

លោកនឹងទស្សនកិច្ចការងារដែលជាភារកិច្ចរបស់ខ្លួននៅកម្ពុជាចាប់ពីថ្ងៃទី១៥ ដល់ថ្ងៃទី២៦ ខែសីហា។ នេះជាដំណើរទស្សនកិច្ចការងារជាលើកដំបូងរបស់លោកនៅកម្ពុជា បន្ទាប់ពីអង្គការសហប្រជាជាតិចាត់តាំងឱ្យទទួលបន្ទុកការងារសិទ្ធិមនុស្សនៅកម្ពុជា។

ក្នុងដំណើរទស្សនកិច្ចការងារនាពេលនេះ អ្នករាយការណ៍ពិសេសរបស់អង្គការសហប្រជាជាតិ ដែលជាជនជាតិថៃរូបនេះ ក្រៅតែពីជួបសម្តែងការគួរសមជាមួយសម្តេចតេជោ ហ៊ុន សែន ហើយនោះ លោកគ៏គ្រោងជួបមន្ត្រីរាជរដ្ឋាភិបាលពាក់ព័ន្ធការងារសិទ្ធិមនុស្ស ក៏ដូចជាអង្គការសង្គមស៊ីវិលផ្សេងៗទៀតផងដែរ។

ដំណើរទស្សនកិច្ចរបស់ លោក វិទិត មុនតាប៊ន ត្រូវបានស្វាគមន៍ទាំងភាគីរាជរដ្ឋាភិបាល និងអង្គការសង្គមស៊ីវិល ដោយទន្ទឹងរង់ចាំជជែកដោយបើកចំហរលើការងារសិទ្ធិមនុស្សនៅកម្ពុជា។

ការងារសិទ្ធិមនុស្សនៅកម្ពុជា តែងមានការខ្វែងគំនិត និងយល់ឃើញខុសរវាងរាជរដ្ឋាភិបាល ជាមួយរបាយការណ៍របស់តំណាងអង្គការសហប្រជាជាតិ ដែលទទួលបន្ទុកសិទ្ធិមនុស្សនៅកម្ពុជា។ សម្តេចតេជោ ហ៊ុន សែន ក៏ធ្លាប់ព្រមានពីការបិទការិយាល័យសិទ្ធិមនុស្សរបស់អង្គការសហប្រជាជាតិប្រចាំនៅកម្ពុជាថែមទៀតផង។

លោក ជិន ម៉ាលីន អនុប្រធាន និងជាអ្នកនាំពាក្យគណៈកម្មាធិការសិទ្ធិមនុស្សកម្ពុជា បានប្រាប់ Fresh News ថា ក្នុងនាមរាជរដ្ឋាភិបាល គឺគណៈកម្មាធិការសិទ្ធិមនុស្សកម្ពុជា ស្វាគមន៍ចំពោះទស្សនកិច្ចរបស់ លោក វិទិត មុនតាប៊ន។ លោក ជិន ម៉ាលីន បានចាត់ទុកទស្សនកិច្ចរបស់ លោក វិទិត មុនតាប៊ន គឺជាដំណើរការធម្មតាតាមនីតិវិធីក្នុងនាមជាអ្នករាយការណ៍ពិសេសរបស់អង្គការសហប្រជាជាតិ គឺត្រូវចុះមកធ្វើទស្សនកិច្ចនៅកម្ពុជា អាច២ដង ឬ៣ដងក្នុងមួយឆ្នាំ។

លោក ជិន ម៉ាលីន បានលើកឡើងដែរថា សម្រាប់របាយការណ៍របស់លោក វិទិត មុនតាប៊ន យ៉ាងណានោះ វាជាការយល់ឃើញរបស់គាត់ផ្ទាល់ខ្លួនតែប៉ុណ្ណោះ ពោលគឺមិនតំណាងឱ្យជំហររបស់អង្គការសហប្រជាជាតិនោះទេ ព្រោះអ្នករាយការណ៍ពិសេស ជាអ្នកជំនាញការឯករាជ្យ ហើយការសិក្សាការស្រាវជ្រាវ និងការចេញរបាយការណ៍ គ្រាន់តែជាទស្សនៈផ្ទាល់ខ្លួនតែប៉ុណ្ណោះ ដូច្នេះសម្រាប់របាយការណ៍ដែលបានចេញមក គឺគ្មានអ្នកណាបង្ខំគាត់បាននោះដែរ។

លោក ជិន ម៉ាលីន ក៏បានអះអាងដែរថា កម្ពុជារង់ចាំពិនិត្យលើអនុសាសន៍របស់អ្នករាយការណ៍ពិសេសរបស់ UN ទទួលបន្ទុកសិទ្ធិមនុស្សប្រចាំកម្ពុជាថា តើអនុសាសន៍ណាខ្លះដែលកម្ពុជាអាចពិចារណា និងយកមកអនុវត្តន៍បាន ហើយអនុសាសន៍ណាដែលមិនត្រឹមត្រូវតាមស្ថានភាពជាក់ស្តែង និងទិដ្ឋភាពច្បាប់ នីតិវិធីរបស់កម្ពុជា។ ដូច្នេះកម្ពុជានឹងពិចារណាចំពោះចំណុចនីមួយៗ៕

សូមអានបន្ត

តើពិតដែររឺទេ? ដែលថាលោកអធិការរងស្រុកទ្រាំងម្នាក់ទទួលផែនគ្រឿងញៀន ចាប់ជនល្មើសបានហើយថ្នូរនិងទឹកប្រាក់ដោះលែងចំនួន១៥០០ដុល្លានោះ..

 

តាកែវ:ទ្រាំង ព៌ត៏មានទើបទទួលបានពីមហាជនថា កាលពីយប់ថ្ងៃទី១២ ខែសីហា ឆ្នាំ២០២២ វេលាម៉ោង២៤.០០នាទី កម្លាំងប្រចាំការនៅគោលដៅស្ពានប៉ុស្ថិ៍រដ្ឋបាល សន្លុង ឃុំសន្លុង ស្រុកទ្រាំង ខេត្តតាកែវ

បានធ្វើការឃាត់ខ្លួនជនសង្ស័យ០២នាក់ ក្នុងនោះជនសង្ស័យម្នាក់ មានដីកាតាមចាប់ខ្លួនពាក់ព័ន្ធករណីគ្រឿងញៀន។ប្រភពច្បាស់ការមួយបានបញ្ជាក់ថា ជនសង្ស័យម្នាក់ ត្រូវបានគេស្គាល់ឈ្មោះថា ឡុង ហាក់ ភេទប្រុសអាយុ៣៩ឆ្នាំរស់នៅភូមិស្មោង ស្រុកទ្រាំង ខេត្តតាកែវ មានដីការចាប់ខ្លួនពាក់ព័ន្ធនិងគ្រឿងញៀនខុសច្បាប់។

ដោយឡែកជនសង្ស័យម្នាក់ទៀតមិនត្រូវបានស្គាល់អត្តសញ្ញាណនោះទេព្រោះមិនមានជាប់ពាក់ពន្ធ័និងសមត្ថកិច្ចហើយក៏បានដោះលែងវិញភ្លាមៗ។

ប្រភពដដែលបានបន្តទៀតថា ក្រោយការឃាត់ខ្លួនជនសង្ស័យប្រពន្ធគាត់បានរត់រកលុយអ្នកជិតខាងទាំងយប់កណ្តាលអាទ្រាធទៅអោយលោក ប៉ាត ម៉ាត អធិការរងទទួលផែនគ្រឿងញៀនស្រុកទ្រាំងដើម្បីជាថ្នូរនៃការដោះលែងប្តីរបស់ខ្លួនបានត្រលប់មកផ្ទះវិញ ទីបំផុតជនសង្ស័យចាប់តាមដីកាត្រូវបានដោះលែងនៅវេលាម៉ោង១១ថ្ងៃត្រង់ថ្ងៃទី១៣ខែសីហា ឆ្នាំ២០២២ ចំណែកទឹកប្រាក់ចំនួន១៥០០ដុល្លា លោក ប៉ាត ម៉ាត យកជាថ្នូរសំរាប់ការលប់ដីការចាប់ខ្លួន របស់អយ្យការអមសាលាដំបូងខេត្តតាកែវ

មហាជនមានសំនួរសួរជាចម្ងល់ថាតើ ប៉ូលិសចាប់ច្រលំហេតុអ្វីបានជាប្រពន្ធជនសង្ស័យឈ្មោះឡុងហាក់រត់រកលុយទាំងយប់ផ្អើលអស់អ្នកស្រុកអ្នកភូមិ យកលុយទៅអធិការដ្ឋានទាំងយប់។

តើទង្វើនេះជាការប្រព្រឹត្តខុសនិងនិតិវិធីច្បាប់ដែររឺយ៉ាងណា?

អង្គភាពយើងខ្ញុំរងចាំទទួលការបកស្រាយពីលោកអធិការ៕

សូមអានបន្ត

រដ្ឋបាលខេត្តប៉ៃលិនទទួល អំណោយពីស្ថានទូតថៃ ប្រចាំនៅកម្ពុជា

 

ប៉ៃលិន៖ នៅសាលាខេត្តប៉ៃលិន ថ្ងៃទី១២ ខែសីហា ឆ្នាំ២០២២ លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន និងក្រុមការងារ បានទទួល អំណោយជាសម្ភារៈ និងគ្រឿងឧបភោគបរិភោគ ពីសប្បុរសជនថៃ ដែលជាក្រុមហ៊ុនវិនិយោគ ចំនួន ៨ក្រុមហ៊ុន ដឹកនាំដោយ លោកវរសេនីយ៍ឯក ភិស្ណុ សារៈធី ប្រធានសេនានុព័ន្ធយោធាជើងគោកថៃ តំណាងស្ថានឯកអគ្គរាជទូតថៃ ប្រចាំនៅព្រះរាជាណាចក្រកម្ពុជា។

លោកជំទាវ បាន ស្រីមុំ អភិបាលខេត្តប៉ៃលិន បានមានប្រសាសន៍ ស្វាគមន៍ យ៉ាងកក់ក្រៅ ចំពោះគណៈប្រតិភូថៃ ដែលបានអញ្ជើញមកកាន់ខេត្តប៉ៃលិន ព្រមទាំងបាននាំមកនូវអំណោយមួយចំនួន មកឧបត្ថម្ភ ដល់រដ្ឋបាលខេត្តប៉ៃលិន ដែលនេះបានបង្ហាញពីចំណងមិត្តភាព សាមគ្គីភាព និងកិច្ចសហប្រតិបត្តិការល្អ រវាងប្រជាជននៃប្រទេសទាំង២ ថៃ+កម្ពុជា ហើយជាក់ស្តែង នា ពេលកន្លងមក ខេត្តប៉ៃលិន និងខេត្តចាន់បុរី នៃព្រះរាជាណាចក្រកម្ពុជា បានសហការគ្នាយ៉ាងល្អ លើវិស័យមួយចំនួន ដូចជា៖ ការទប់ស្កាត់ការចម្លងរីករាលដាលនៃជំងឺកូវីដ-១៩, បញ្ហាពលករឆ្លងដែនខុសច្បាប់, ទប់ស្កាត់បទល្មើសឆ្លងដែននានា, ការធ្វើពាណិជ្ជកម្មឆ្លងដែន ជាពិសេសការនាំចេញកសិផល របស់ខេត្តប៉ៃលិន ទៅកាន់ព្រះរាជាណាចក្រថៃ។

លោកជំទាវអភិបាលខេត្ត ក៏បានមានប្រសាសន៍ថ្លែងអំណរគុណ ដ៏ជ្រាលជ្រៅ ចំពោះស្ថានឯកអគ្គរាជទូតថៃ ប្រចាំនៅព្រះរាជាណាចក្រកម្ពុជា តាមរយៈប្រតិភូសេនានុព័ន្ធយោធាជើងគោកថៃ និងសប្បុរសជន ជាវិស័យឯកជន នៃព្រះរាជាណាចក្រថៃ ចំនួន ០៨ក្រុមហ៊ុន កំពុងធ្វើការវិនិយោគ នៅក្នុងព្រះរាជាណាចក្រកម្ពុជា ដែលបានផ្តល់អំណោយ ជាសម្ភារៈ និងគ្រឿងឧបភោគបរិភោគ ដល់រដ្ឋបាលខេត្តប៉ៃលិន សម្រាប់យកទៅប្រើប្រាស់តាមការចាំបាច់ និងវិស័យមនុស្សធម៌ក្នុងខេត្ត។

ក្នុងឱកាសនោះដែរ លោកជំទាវ បាន ស្រីមុំ ក៏បានមានប្រសាសន៍កោតសរសើរដល់សមភាគីថៃ ដែលកន្លងមកបានរក្សានូវ ចំណងសាមគ្គីភាព មិត្តភាព និងពង្រឹងកិច្ចសហប្រតិបត្តិការល្អលើគ្រប់វិស័យ ជាមួយខេត្តជាប់ព្រំដែននៃប្រទេសទាំង២ ដោយរក្សាបាននូវសន្តិសុខសណ្តាប់ធ្នាប់តាមបណ្តោយព្រំដែន និងបម្រើឱ្យផលប្រយោជន៍របស់ប្រជាជន និងប្រទេសទាំងពីរដោយស្មើភាព និងស្មោះត្រង់។

ជាការឆ្លើយតបលោកវរសេនីយ៍ឯក ភិស្ណុ សារៈធី ប្រធានសេនានុព័ន្ធយោធាជើងគោកថៃ តំណាងស្ថានឯកអគ្គរាជទូតថៃ ប្រចាំនៅព្រះរាជាណាចក្រកម្ពុជា បានសន្យានឹងខិតខំបង្កើនកិច្ចសហប្រតិបត្តិការល្អបន្ថែមទៀត ជាមួយរដ្ឋបាលខេត្តប៉ៃលិន ក្នុងក្របខ័ណ្ឌសមត្ថកិច្ចរបស់ខ្លួន ដើម្បី  បង្កើន  កិច្ចសហប្រតិបត្តិការរវាងប្រទេសទាំង២ ឱ្យបានកាន់តែល្អប្រសើរឡើង ពិសេសការស្រឡាញ់រាប់អានគ្នា ស្គាល់សុខទុក្ខគ្នាទៅវិញទៅមក ដែលជាប្រទេសជិតខាង ភូមិផងរបងជាមួយគ្នា៕

សូមអានបន្ត