ខេត្តតាកែវ.នៅល្ងាចយប់ថ្ងៃទី១៣ខែកុម្ភ:ឆ្នាំ២០២៣ ដោយមានការចង្អុលបង្ហាញ របស់លោករស់ ប៊ុនធឿន អភិបាលស្រុក និងជាប្រធានគណះបញ្ជាការឯកភាពនៃរដ្ឋបាលស្រុក លោកវរសេនីយ៍ឯក នួន ប៉ិន អធិការនគរបាលស្រុកអង្គរបូរី បានចូលរួមជាមួយលោក ហាយ សារិន អភិបាលរងស្រុកអង្គរបូរី បានដឹកនាំកម្លាំងគណៈបញ្ជាការឯកភាពរដ្ឋបាលស្រុកអង្គរបូរី (កម្លាំងអធិការដ្ឋាននគរបាលស្រុកអង្គរបូរី និងកម្លាំងកងរាជអាវុធហត្ថស្រុកអង្គរបូរី) ដើម្បីត្រួតពិនិត្យអាវុធជាតិផ្ទុះ និងជាតិអាល់កុល ស្ថិតនៅលើផ្លូវខេត្តលេខ1TK1 ចន្លោះគីឡូមែត្រលេខ១៣-១៤ នៅចំណុចស្ពានហូរឈាម នៅក្នុងភូមិពួនកក ឃុំបាស្រែ ស្រុកអង្គរបូរី ខេត្តតាកែវ បានធ្វើការឃាត់ម៉ូតូ ០១គ្រឿង មានមនុស្សចំនួន ០៣នាក់ ដូចខាងក្រោមៈ
១.ឈ្មោះ ពៅ ហ៊ីម ភេទប្រុស អាយុ២៥ឆ្នាំ មុខរបរមិនពិតប្រាកដ មានទីលំនៅភូមិព្រៃសំបួរ ឃុំអង្គរបូរី ស្រុកអង្គរបូរី ខេត្តតាកែវ
២.ឈ្មោះ ពៅ ខន ភេទប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅភូមិ-ឃុំ ជាមួយគ្នា
៣.ឈ្មោះ ចុះ ស៊ីល ភេទប្រុស អាយុ២៤ឆ្នាំ មុខរបរមិនពិតប្រាកដ មានទីលំនៅភូមិ-ឃុំ ជាមួយគ្នា និងឆែកឆេរដកហូតបានវត្ថុតាងមួយចំនួនមានដូចខាងក្រោម៖
១.ម្សៅក្រាមពណ៌សថ្លាចំនួន ០១កញ្ចប់តូច
២.ម៉ូតូចំនួន ០១គ្រឿង
៣.ទូរស័ព្ទចំនួន ០២គ្រឿង
៤.កូនកាំបិតចំនួន ០១ដើម និងសម្ភារៈសម្រាប់សេពសាធាតុញៀនមួយចំនួន។
បច្ចុប្បន្នកម្លាំងជំនាញ កំពុងកសាងសំណុំរឿង ដើម្បីចាត់ការតាមនីតិវិធី។