ស្ថានភាពព្រឹកមិញនេះ គឺមានការផ្លោងរ៉ូកែតជាច្រើនលើកចូលមកដែនអាកាសអុីស្រាអែល ដែលភាគច្រើនផ្លោងចេញមកពីតំបន់ Gaza ដែលជាមូលដ្ឋានក្រុម Hamas ។ ស្ថានភាពកាន់តែអាក្រក់នោះគឺ សមាជិកក្រុមឧទ្ទាម Hamas បានបន្លំខ្លួនចូលមកក្នុងក្រុងមួយចំនួនរបស់អុីស្រាអែល និងបង្កចលាចល ដោយការបាញ់បោះ និងបំផ្ទុះរថយន្តជាដើម ជាហេតុដែលស្ថានការណ៍មកទល់ពេលនេះគឺ ពិបាកក្នុងការគ្រប់គ្រងសុវត្ថិភាព។
តាមសេចក្ដីប្រកាសជាផ្លូវការរបស់នាយករដ្ឋមន្រ្តីអុីស្រាអែល រសៀលនេះ បានបញ្ជាក់ថា អុីស្រាអ៊ែលកំពុងស្ថានភាពសង្រ្គាម និងអសន្តិសុខ។
មុននេះបន្តិចសារពត៌មានថៃ ក៍បានផ្សាយថា នាយករដ្ឋមន្រ្តីថៃកំពុងយកចិត្តទុកដាក់ និងធ្វើការជាមួយក្រសួងការណ៍បរទេស ដើម្បីធានាសុវត្ដិភាព ឬជំលៀសប្រជាជនថៃដែលរស់នៅទីនោះក្នុងករណីចាំបាច់។
ក្នុងនោះកម្ពុជាក៍មាននិស្សិតកម្មសិក្សាកសិកម្មប្រមាណ ២០០នាក់ នៅក្នុងប្រទេសអុីស្រាអ៊ែល ។ សូមមេត្តាលោកពូបញ្ជូនពត៌មាននេះជូនថ្នាក់ដឹកនាំរដ្ឋាភិបាលយើង ដើម្បីតាមដានសុខទុក្ខ និងសម្របសម្រួលក្នុងករណីចាំណាមួយ របស់និស្សិតកម្ពុជាយើង។
គោរពអរគុណលោកពូ
ពីខ្ញុំ ណល់ រតនា
ក្នុងរូប : និស្សិតខ្មែរទាំង ១៧ នាក់ នៅតំបន់ Ashkelon ដែលជាតំបន់នៅចម្ងាយតែ ១៦ គីឡូម៉ែត្រពីតំបន់ Gaza ហើយជាតំបន់ដែលទទួលរងគ្រាប់ផ្លោងច្រើនបំផុតដែរ ។ ក្មួយៗត្រូវបានទទួលការណែនាំមិនអោយចេញក្រៅដែរ ។ សូមទេវតាតាមថែរក្សាក្មួយៗ រីឯ រាជរដ្ឋាភិបាលកម្ពុជាបន្តយកចិត្តទុកដាក់ខ្ពស់លើសុវត្ថិភាព ក្មួយៗ ជាពិសេស សម្ដេចតេជោ ប្រធានគណបក្សកម្ពុជា និង សម្ដេចធិបតី នាយករដ្ឋមន្ត្រិនៃព្រះរាជាណាចក្រកម្ពុជា ។
