Monday, July 31, 2023
សមត្ថកិច្ចនគរបាលខេត្តតាកែវបង្ក្រាបបានមុខសញ្ញាឆក់យ៉ាងសកម្មនៅស្រុកសំរោង..
ចំនួនអ្នកទស្សនា: ViewsSunday, July 30, 2023
លោកជំទាវ នឹម វណ្ណ: ទុក្ខពេលឲ្យអ្នកឧកញ្ញ៉ា១២ម៉ោង....
ចំនួនអ្នកទស្សនា: Viewsនៅថ្ងៃទី៣០ ខែ កក្ដដា ឆ្នាំ២០២៣ លោកជំទាវ នឹម វណ្ណះ ទុកពេល១២ម៉ោងអោយអ្នកឧកញ៉ា ឡេង ណាវ៉ាត់ត្រា លុបការ Share និងការបង្ហោះនានាពាក់ព័ន្ធនឹងលោកជំទាវ។
Friday, July 21, 2023
ល្បិចទល់ល្បិច! បុរស២នាក់ប្រើល្បិចរត់គេចខ្លួន តែត្រូវសមត្ថកិច្ចប្រើវិធីសាស្ត្រចាប់បានម្នាក់
ចំនួនអ្នកទស្សនា: Views(រាជធានីភ្នំពេញ) ៖ បើតាមសេចក្តីរាយការណ៍បានឱ្យដឹងថា ជនសង្ស័យម្នាក់ ក្នុងចំណោមបក្សពួក ២នាក់ ត្រូវបានសមត្ថកិច្ចចាប់ឃាត់ខ្លួន បន្ទាប់ពីជិះម៉ូតូសណ្តោងរ៉ឺម៉កអេតចាយទៅផ្លោះរបងចូលលួចម៉ាស៊ីនបោកសម្លៀកបំពាក់នៅក្នុងផ្ទះទុកចោលមួយកន្លែង តែមិនបានសម្រេច បង្កឱ្យមានការភ្ញាក់ផ្អើលកាលពីវេលាម៉ោង ១០ និង ៤០នាទីយប់ ថ្ងៃទី២០ ខែកក្កដា ឆ្នាំ២០២៣ នៅត្រង់ចំណុចផ្ទះទុកចោល ក្បែរការិយាល័យលក់បុរីប៉េងហួត តាមបណ្ដោយផ្លូវ៥៩៨ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
តាមប្រភពព័ត៌មានពីសន្តិសុខបុរីប៉េងហួត បានរៀបរាប់ប្រាប់ឱ្យដឹងថា ផ្ទះកើតហេតុនោះ ត្រូវបានម្ចាស់ចាក់សោទុកចោលអស់រយៈពេល ៥ ទៅ ៦ខែមកហើយ យូរៗទើបម្ចាស់ផ្ទះមកមើលម្តង ។ ហើយកន្លងមក ក៏ធ្លាប់មានចោរចូលទៅលួចរបស់របរនៅខាងក្នុងផងដែរ ដូចជា ៖ ម៉ូទ័របូមទឹក ម៉ាស៊ីនត្រជាក់ និងរបស់របរផ្សេងទៀតជាច្រើនដងរួចទៅហើយ ។
ប្រភពដដែលបន្តថា លុះដល់វេលាកើតហេតុ ខណៈពេលផ្លូវមានសភាពស្ងប់ស្ងាត់ ក៏ស្រាប់តែប្រទះឃើញជនសង្ស័យចំនួន ២នាក់ ជិះម៉ូតូហុងដាឌ្រីម ស៊េរីឆ្នាំ២០២០ ពណ៌ខ្មៅ ពាក់ផ្លាកលេខ កំពង់ស្ពឺ 1P-9341 និងមានអូសរទេះអេតចាយពីក្រោយផង បានដឹកគ្នាទៅឈប់ចតចោលនៅខាងមុខផ្ទះកើតហេតុ ។ ហើយជនសង្ស័យទាំង ២នាក់នោះ ក៏នាំគ្នាផ្លោះរបងចូលទៅខាងក្នុងផ្ទះ និងបានលើកម៉ាស៊ីនបោកសម្លៀកបំពាក់យកមកដាក់នៅមាត់ទ្វាររបងទៀត ។ ពេលនោះ សន្តិសុខក៏បានហៅគ្នីគ្នាមកធ្វើការឡោមព័ទ្ធ និងបម្រុងចូលទៅចាប់ តែគាប់ជួនជនសង្ស័យទាំង ២នាក់នោះកំពុងតែផ្លោះរបងចេញមកវិញ សន្តិសុខក៏នាំគ្នាធ្វើការឃាត់ជនសង្ស័យទាំង ២នាក់នោះតែម្តង ។
ប្រភពដដែលបន្តទៀតថា ភ្លាមៗ បន្ទាប់ពីធ្វើការឃាត់ខ្លួន ជនសង្ស័យទាំងពីរនាក់នោះបានឆ្លើយដោះសារថា «ខ្លួនមិនបានលួចអ្វីនោះទេ គ្រាន់តែផ្លោះរបងចូលទៅរើសអេតចាយនៅខាងក្នុងផ្ទះកើតហេតុតែប៉ុណ្ណោះ» ។ បន្ទាប់មក ជនសង្ស័យទាំង ២នាក់នោះ ក៏បានប្រើល្បិចសុំផ្លោះរបងចូលទៅខាងក្នុង ដើម្បីទៅយកបាវអេតចាយរបស់ខ្លួនឯង ។ លុះពេលជនសង្ស័យទាំង ២នាក់ផ្លោះរបងចូលទៅយូរពេក សន្តិសុខក៏ចូលទៅតាមក្រោយ តែរកយ៉ាងណាក៏រកមិនឃើញដែរ ។
ប្រពដដែលបន្តទៀតថា បន្ទាប់ពីជនសង្ស័យទាំង ២នាក់នោះ ធ្វើការសង្ងំលាក់ខ្លួននៅខាងក្នុងអស់រយៈពេលជាង ២ម៉ោង ណាមួយឃើញនៅខាងក្រៅមានសភាពស្ងប់ស្ងាត់ទៀត តែជនសង្ស័យមិនដឹងថា មានសន្តិសុខ និងកម្លាំងសមត្ថកិច្ចកំពុងតែពួនចាំមើលនោះទេ ។ ភ្លាមៗនោះ ជនសង្ស័យទាំង ២នាក់នោះ ក៏បានសម្រេចចិត្តផ្លោះរបងពីក្នុងផ្ទះកើតហេតុ និងរត់ទៅហៅម៉ូតូកង់បីជិះ តែគេមិនព្រមដឹក ខណៈពេលនោះ សន្តិសុខ និងកម្លាំងសមត្ថកិច្ចក៏បានចូលទៅធ្វើការចាប់ឃាត់ខ្លួនបានម្នាក់ ចំណែកឯម្នាក់ទៀតរត់គេចខ្លួនបាត់ស្រមោលតែម្តងទៅ ។
បច្ចុប្បន្ន ជនសង្ស័យ រួមទាំងវត្ថុតាង ត្រូវបានសមត្ថកិច្ចនាំយកទៅធ្វើការសាកសួរនៅអធិការដ្ឋាននគរបាលខណ្ឌសែនសុខ ដើម្បីកសាងសំណុំរឿងចាត់ការទៅតាមនីតិវិធីជាបន្តទៀត ៕
Tuesday, July 18, 2023
ទំនាស់ពាក្យសម្ដីពេលផឹកស៊ីជាមួយគ្នា ប្ដីទាញដំបងវា.យប្រពន្ធ៣០ដំបងរហូតស្.លាប់
ចំនួនអ្នកទស្សនា: Viewsបុរសជាប្ដីវ័យ៣១ឆ្នាំម្នាក់ត្រូវបានកម្លាំងនគរបាលស្រុករតនមណ្ឌល ខេត្តបាត់ដំបង ឃាត់ខ្លួនបានភ្លាមៗបន្ទាប់ពីប្រើអំពើហិង្សាវាយប្រពន្ធរហូតស្លាប់ ខណៈអង្គុយផឹកស៊ីជាមួយគ្នាកើតជាទំនាស់ពាក្យសម្ដី។
ករណីអំពើហិង្សារហូតបាត់បង់អាយុជីវិតនេះ បានកើតឡើងកាលពីវេលាម៉ោងប្រមាណ១និង៣០នាទី ថ្ងៃទី១៨ ខែកក្កដា ឆ្នាំ២០២៣ នៅចំណុចអូរត្រជាក់ចិត្ត ស្ថិតក្នុងភូមិភ្ជាវ ឃុំត្រែង ស្រុករតនមណ្ឌល ខេត្តបាត់ដំបង។
របាយការណ៍របស់ស្នងការដ្ឋាននគរបាលខេត្តបាត់ដំបង បានឲ្យដឹងថា ជនដៃដល់ជាប្ដីមានឈ្មោះ ជា សុភាព ភេទប្រុស អាយុ៣១ឆ្នាំជាប្ដី រស់នៅកន្លែងកើតហេតុ។ ចំណែកប្រពន្ធមានឈ្មោះ ឆូយ វន ភេទស្រី អាយុ៤៨ឆ្នាំ រស់នៅកន្លែងកើតហេតុ។ តាមរបាការណ៍ ជនដៃដល់ជាប្ដីបានយកដំបងឬស្សីវាយលើប្រពន្ធចំនួន៣០ដំបង បណ្ដាលឱ្យរបួសពេញដងខ្លួន និងបែកសាច់ស្មងជើងទាំងសងខាង និងស្លាប់ភា្លមៗនៅកន្លែងកើតហេតុ។
តាមចម្លើយសារភាពរបស់បុរសជាប្តីបានរៀបរាប់ថា គេទាំងពីរនាក់ប្ដីប្រពន្ធរស់នៅលើចំណីដីរបស់អ្នកដទៃមិនមានមុខរបរឱ្យប្រាកដទេ ដើរស៊ីឈ្នួលធ្វើចំការឱ្យគេ ហើយផឹកស្រាទាំងពីរនាក់រាល់ថ្ងៃ និងតែងបង្កជម្លោះជាមួយគ្នាគ្រប់ពេលស្រវឹងស្រាម្តងៗ។ នៅមុនពេលកើតហេតុ គឺខ្លួន និងប្រពន្ធផឹកស្រាអស់ពីរលីត្រ ហើយបង្កជម្លោះជាមួយគ្នារហូតយកដំបងឫស្សី វាយលើប្រពន្ធបាត់បង់ជីវិតតែម្តង។
បើតាមសមត្ថកិច្ចជនដៃដល់ត្រូវបានកម្លាំងនគរបាលស្រុករតនមណ្ឌល រៀបចំកសាងសំណុំរឿងបញ្ជូនមកកាន់ការិយាល័យជំនាញដើម្បីអនុវត្តបន្តតាមនីតិវិធីច្បាប់ រីឯសពជនរងគ្រោះជាប្រពន្ធ បានប្រគល់ជូនក្រុមគ្រួសារដែលជាកូនរស់នៅឯស្រុកថ្មគោលចាត់ចែងធ្វើបុណ្យតាមប្រពៃណី៕
Monday, July 17, 2023
ខឹងជនរងគ្រោះដើរនិយាយថាខ្លួនជាអ្នកចែកចាយគ្រឿ.ងញៀ.ន ទាញកាំបិតកា./ប់ប្រ.ហារស្លា./ប់ក្នុងថ្លុកឈាម
ចំនួនអ្នកទស្សនា: Viewsជនដៃដល់ម្នាក់ត្រូវបានកម្លាំងសមត្ថកិច្ចឃាត់ខ្លួនបានភ្លាមៗ បន្ទាប់ពីកាប់ប្រហារលើស្ត្រីម្នាក់ស្លាប់ក្នុងថ្លុកឈាម ខណៈដែលជនរងគ្រោះកំពុងដើររុញរទេះជាមួយកូនអាយុមួយខួប ដោយសារតែខឹងជនរងគ្រោះដើរនិយាយពីខ្លួនថា ជាអ្នកចែកចាយគ្រឿងញៀន ។
ករណីកាប់ប្រហារនេះ បានកើតឡើងកាលពីវេលាម៉ោង ៥ និង ៥៨នាទីព្រឹក ថ្ងៃទី១៦ ខែកក្កដា ឆ្នាំ២០២៣ ត្រង់ចំណុចលើផ្លូវកៅស៊ូ ភូមិតាព្រះ ឃុំព្រែកតាសរ ស្រុកពោធិ៍រៀង ខេត្តព្រៃវែង ។
ជនដៃដល់ក្នុងករណីនេះមានឈ្មោះ ចិន គឹមហ័រ ភេទប្រុស ជនជាតិខ្មែរ អាយុ ៤២ឆ្នាំ ។ ចំណែកជនរងគ្រោះឈ្មោះ លាង សុជា ភេទស្រី ជនជាតិខ្មែរ អាយុ ៣៨ឆ្នាំ មុខរបរកសិករ រស់នៅភូមិតាព្រះ ឃុំព្រែកតាសរ ស្រុកពោធិ៍រៀង ខេត្តព្រៃវែង ។
បើតាមរបាយការណ៍សមត្ថកិច្ច នៅមុនពេលកើតហេតុជនសង្ស័យបានរអ៊ូរទាំដាក់ជនរងគ្រោះថា ជនរងគ្រោះដើរនិយាយថាខ្លួនចែកចាយគ្រឿងញៀន ចាប់តាំងពីពេលល្ងាចថ្ងៃទី១៥ ខែកក្កដា ឆ្នាំ២០២៣ រហូតដល់វេលាម៉ោង ៥ និង ៤០នាទី ជនសង្ស័យបានយកកាំបិតផ្គាក់មកកាន់នឹងដៃរបស់ខ្លួន រួចឃើញជនរងគ្រោះដើររុញរទេះដឹកកូនអាយុ ១ខួបតាមថ្នល់កៅស៊ូ ជនសង្ស័យក៏ស្ទុះមកកាប់ទៅលើជនរងគ្រោះត្រូវខ្នងចំនួន ២កន្លែង ក្បាលចំនួន ២កន្លែង ដៃឆ្វេងចំនួន ២កន្លែង បណ្ដាលឱ្យជនរងគ្រោះស្លាប់ក្នុងថ្លុកឈាមយ៉ាងអាណោចអាធ័ម ។
ក្រោយកើតហេតុភ្លាមៗ កម្លាំងនគរបាល នៃស្នងការដ្ឋាននគរបាលខេត្តព្រៃវែង សហការណ៍ជាកម្លាំងនគរបាល នៃអធិការដ្ឋាននគរបាលស្រុកពោធិ៍រៀង បានចុះអន្តរាគមន៍ដល់ទីតាំងកើតហេតុដើម្បីពិនិត្យ ធ្វើកោសល្យវិច័យ និងបានចាប់ឃាត់ខ្លួនជនសង្ស័យយកផ្ដន្ទាទោសតាមច្បាប់តែម្ដង ។ ចំណែកសពជនរងគ្រោះ ត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ៕
Friday, July 14, 2023
ញាក់សាច់! ខឹងប្រុសស្នេហ៍ឈប់ជួបមុខ នាងយកសាំង៤លីត្រទៅដុតកម្ទេចភូមិគ្រឹះ
ចំនួនអ្នកទស្សនា: Viewsខេត្តសៀមរាប ៖ បើតាមសេចក្តីរាយការណ៍បានឱ្យដឹងថា កាលពីរសៀលថ្ងៃទី១៣ ខែកក្កដា ឆ្នាំ២០២៣ នគរបាលមូលដ្ឋានសង្កាត់ស្វាយដង្គុំ ក្រុងសៀមរាប ខេត្តសៀមរាប បានទទួល និងធ្វើការឃាត់ខ្លួនស្ត្រីម្នាក់ពាក់ព័ន្ធករណី «គំរាមកំហែងថា នឹងធ្វើឱ្យខូចខាត ដោយយកសាំងចំនួន ៤ដប ទៅប៉ុនប៉ងដុតភូមិគ្រឹះរបស់ប្រុសស្នេហ៍ ដើម្បីឱ្យចេញមកជួប» ។
សេចក្តីរាយការណ៍បន្តថា ស្ត្រីរូបនោះមានឈ្មោះ សីហា ទិត្យាឆរ៉ាវី ភេទស្រី អាយុ ៣៣ឆ្នាំ មុខរបរជាបុគ្គលិកក្រុមហ៊ុន មានទីលំនៅនៅភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប ។
បើតាមសាក្សីម្នាក់ដែលជាអាជីវករ បាននិយាយប្រាប់ឱ្យដឹងថា នៅវេលារសៀលថ្ងៃទី១៣ ខែកក្កដា ឆ្នាំ២០២៣ គេបានឃើញឈ្មោះ សីហា ទិត្យាឆរ៉ាវី ជិះម៉ូតូម៉ាកហុងដាឌ្រីម ១គ្រឿង ស៊េរីឆ្នាំ២០២០ ពណ៌ខ្មៅ ពាក់ផ្លាកលេខ សៀមរាប 1AI-2253 ទៅកន្លែងលក់ចាប់ហួយ រួចក៏ទិញសាំងចំនួន ៤លីត្រច្រកដាក់ថង់ ហើយយកទៅគំរាមឈ្មោះ ស៊ីន គឹមហេង ឱ្យចេញមកជួបខ្លួន បើមិនមកជួបទេ គេនឹងធ្វើការដុតភូមិគ្រឹះ «អូខេវ័នវីឡា» នោះ ចោលតែម្តង។ ប៉ុន្តែនៅពេលស្ត្រីរូបនោះ បាននិងកំពុងតែរៀបចំធ្វើសកម្មភាពប៉ុនប៉ងដុត ក៏ត្រូវបានបុគ្គលិកអូតែលទៅរារាំងទាន់ និងឃាត់ខ្លួននាំទៅកាន់សមត្ថកិច្ចនគរបាលប៉ុស្តិ៍ស្វាយដង្គុំ ក្រុងសៀមរាប ដើម្បីសាកសួរជុំវិញការគំរាមកំហែងប៉ុនប៉ងដុតភូមិគ្រឹះរបស់គេនោះ ។
នៅចំពោះមុខសមត្ថកិច្ច ស្ត្រីឈ្មោះ សីហា ទិត្យឆរ៉ាវី បានសារភាពថា «ខ្លួនពិតជាបានទិញសាំងចំនួន ៤លីត្រ ក្នុងគោលបំណងយកទៅដុតភូមិគ្រឹះ «អូខេវ័នវីឡា» នោះពិតមែន ដើម្បីគំរាមឱ្យឈ្មោះ ស៊ីន គឹមហេង ចេញមកជួបខ្លួន បើមិនចេញមកទេ ខ្លួននឹងដុតភូមិគ្រឹះនុងចោល» ។
បើតាមសាក្សីម្នាក់ទៀត ក៏បាននិយាយដែរថា កាលពីព្រឹកថ្ងៃទី១៣ ខែកក្កដា ឆ្នាំ២០២៣ ឈ្មោះ ស៊ីន គឹមហេង បានទូរសព្ទមកប្រាប់ខ្លួនថា ស្រីស្អាតយកសាំងមកដុតផ្ទះហើយ ហើយក៏បិទទូរសព្ទទៅ ។ បន្ទាប់មក ស្រាប់តែឃើញឈ្មោះ សីហា ទិត្យាឆរ៉ាវី ជិះម៉ូតូម៉ាកហុងដាឌ្រីម ពណ៌ខ្មៅ ចូលភូមិគ្រឹះ «អូខេវ័នវីឡា» ដោយមានកាន់ថង់ខ្មៅមកជាមួយផង ។ ពេលនោះទើបប្រជាការពារភូមិ និងកម្លាំងនគរបាលប៉ុស្តិ៍ស្វាយដង្គុំ ធ្វើអន្តរាគមន៍ ដោយមានឈ្មោះ ស៊ីន គឹមហេង ដែលជាប្រុសស្នេហ៍ចេញមុខដែរ និងបាននាំនាងយកទៅវាស់កម្ពស់ និងធ្វើការសម្របសម្រួលនៅប៉ុស្តិ៍សង្កាត់ស្វាយដង្គុំ ដើម្បីបញ្ចប់រឿង ។
ពាក់ព័ន្ធក្នុងករណីខាងលើនេះ សមត្ថកិច្ចបានបញ្ជាក់ថា ជាករណី «គំរាមកំហែងថានឹងធ្វើឱ្យខូចខាតពិតប្រាកដមែន មូលហេតុបណ្តាលមកពីរឿង «ស្នេហា» ដោយសារខាងប្រុសហូបចុកឆ្អែតឆ្អន់ ចង់ដោះដៃ និងចង់គេចខ្លួនឈប់ជួបខាងស្រី ទើបធ្វើឱ្យខាងស្រីមានគំនុំ ក៏បង្កជាបញ្ហាកើតឡើងបែបនេះ ហើយខាងស្រីក៏ត្រូវបាននាំទៅវាស់កម្ពស់ផងដែរ ៕
ប្រពន្ធនាំកូនចុះចោល៣ខែ ប្តីតូចចិត្តចងកសម្លាប់ខ្លួនរហូតស្អុយរលួយទើបដឹង
ចំនួនអ្នកទស្សនា: Viewsបុរសម្នាក់បានសម្រេចចិត្តចង.កសម្លាប់ខ្លួនក្នុងបន្ទប់ជួលរហូតមានក្លិនស្អុយទើបដឹងដល់អ្នកជិតខាងរាយការណ៍ប្រាប់សមត្ថកិច្ច។ ករណីនេះបង្កការភ្ញាក់ផ្អើលកាលពីព្រឹកថ្ងៃទី១៤ ខែកក្កដា ឆ្នាំ២០២៣ នៅបន្ទប់ជួលក្រោយផ្សារកាណាស៊ីធី ភូមិចោមចៅទី២ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះមានឈ្មោះ តែម សុវុទ្ធី ភេទប្រុស អាយុ ៤០ឆ្នាំ មុខរបរបើកបរនៅផែស្ងួតសូងួន ស្នាក់នៅភូមិចោមចៅទី២ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីប្រពន្ធបានឱ្យដឹងថា រូបគាត់ និងប្តីបានរស់នៅបែកគ្នាតាំងពីខែ ៣មកម្ល៉េះ ដោយសារការស់នៅមិនចុះសម្រុងនឹងគ្នា លុះមកដល់ថ្ងៃកើតហេតុក៏មានគេទូរសព្ទប្រាប់ថា ប្តីបានស្លាប់នៅក្នុងបន្ទប់ជួលដោយសភាពស្អុយរលួយបាត់ទៅហើយ។
បើតាមប្រជាពលរដ្ឋបានឱ្យដឹងថា បុរសខាងលើបាត់មិនឃើញចេញពីក្នុងបន្ទប់អស់រយៈពេល ៤ថ្ងៃមកហើយ លុះមកដល់ព្រឹកថ្ងៃកើតហេតុមានក្លិនស្អុយ និងមានរុយរោមចេញពីចន្លុះប្រហោងទ្វារទៀតផង ទើបរាយការណ៍ទៅសមត្ថកិច្ចចុះមកពិនិត្យជាក់ស្តែងតែម្តង។ សមត្ថកិច្ចបានបញ្ជាក់ថា ជនរងគ្រោះស្លាប់ដោយសារចង.កដោយយកខ្សែចងភ្ជាប់ធ្នឹមបន្ទប់ជួល។
បច្ចុប្បន្ន សពត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
មនុស្ស១២នាក់បានពុលមីឆាត្រូវបញ្ជូនទៅសង្គ្រោះបន្ទាន់នៅខេត្តកំពង់ឆ្នាំង
ចំនួនអ្នកទស្សនា: Viewsប្រជាពលរដ្ឋប្រុសស្រីចំនួន ១២នាក់ នៅក្នុងឃុំផ្លូវទូក និងឃុំប្រឡាយមាស ស្រុកកំពង់លែង បានហូបមីឆាពុលចុកពោះ និងត្រូវបានបញ្ជូនមកសង្គ្រោះនៅមន្ទីរពេទ្យខេត្ត ។ ករណីនេះបានកើតឡើងនៅវេលាម៉ោង ១៥ និង ៣៥នាទី ល្ងាចថ្ងៃទី១៣ ខែកក្កដា ឆ្នាំ២០២៣ ក្នុងមូលដ្ឋានឃុំផ្លូវទូក និងឃុំប្រឡាយមាស ស្រុកកំពង់លែង ខេត្តកំពង់ឆ្នាំង ។
លោក ប៉ាល់ ជឿន អធិការនគរបាលស្រុកកំពង់លែង នៅព្រឹកថ្ងៃទី១៤ ខែកក្កដានេះបានឱ្យដឹងថា កាលពីល្ងាច ថ្ងៃទី១៣ ខែកក្កដា ឆ្នាំ២០២៣ វេលាម៉ោង ១៦ល្ងាច មានករណីប្រជាពលរដ្ឋចុកពោះ ក្អួត រាគ ដែលរស់នៅក្នុងភូមិក្រងផ្តិល ឃុំប្រឡាយមាស និងភូមិពាមខ្នង ឃុំផ្លូវទូក ស្រុកកំពង់លែង ដែលបានហូបមីឆាដែលរុញរទេះដើរលក់តាមផ្លូវក្នុងភូមិ ។
ក្នុងករណីខាងលើនេះមានមនុស្សប្រុសស្រី ក្មេង ចាស់ ចំនួន ១២នាក់ មានរោគសញ្ញាស្រដៀងគ្នាគឺ ចុកពោះ រាគ និងក្អួត អស់កម្លាំង ។ អ្នករងគ្រោះទាំងអស់ត្រូវបានក្រុមគ្រួសារ អាជ្ញាធរ និងសមត្ថកិច្ចមូលដ្ឋានបញ្ជូនមកមន្ទីរពេទ្យខេត្តទាំង អស់ដើម្បីសង្គ្រោះជីវិត ។ ប៉ុន្តែក្នុងករណីនេះមិនមានអ្នកណាបាត់បង់អាយុជីវិតឡើយ ។
នគរបាលមូលដ្ឋានបានឱ្យដឹងថា ក្នុងករណីនេះមានអ្នករងគ្រោះចំនួន ១២នាក់ ស្រី ៥នាក់ (នៅក្នុងឃុំផ្លូវទូក ៣នាក់ស្រី ២នាក់) និងនៅក្នុងឃុំប្រឡាយមាស ៨នាក់ ស្រី ៣នាក់) ជនរងគ្រោះមានអាយុចាប់ពីអាយុ ១៨ខែ ដល់ ៦៥ឆ្នាំ សុទ្ធតែបានបរិភោគមីឆា (មីដុំសសៃមូល) ។ ស្ត្រីឈ្មោះ មូល សុន អាយុ ៧០ឆ្នាំ រស់នៅក្នុងឃុំផ្លូវទូកស្រុកកំពង់លែង បានរុញរទេះដើរលក់នៅក្នុងភូមិ ។
តាមការស្រាវជ្រាវរបស់សមត្ថកិច្ច អ្នកចេញរោគសញ្ញាមុនគេ បានហូបមីឆានៅវេលាម៉ោង ១៥ និង ១៥នាទី និងចេញរោគ សញ្ញានៅម៉ោង ១៥ និង ៤៥នាទី ល្ងាចថ្ងៃទី១៣ ខែកក្កដា និងអ្នកផ្សេងទៀតបានហូបមីឆានៅចន្លោះម៉ោង១៥ និង ៣០នាទី ទៅម៉ោង ១៦ល្ងាច និងបានចេញរោគសញ្ញានៅចន្លោះម៉ោង ១៦ទៅម៉ោង ១៧ល្ងាច ។
ករណីនេះសមត្ថកិច្ចនគរបាលមូលដ្ឋានបានប្រមូលសសៃមីដែលនៅសល់ដើម្បីយកមកវិភាគរកមូលហេតុឱ្យបានច្បាស់លាស់ ។ ចំណែកស្ត្រីឈ្មោះ មូល សុន អាយុ ៧០ឆ្នាំរស់នៅភូមិពាងខ្នង ឃុំផ្លូវទូក ជាអ្នកលក់មីឆា ត្រូវបានសមត្ថកិច្ចនគរបាលប៉ុស្តិ៍រដ្ឋបាលប្រល័យមាស ឃាត់ខ្លួន រង់ចាំការសម្រេចពីថ្នាក់លើ ។
ដោយឡែកប្រធានមន្ទីរពេទ្យបង្អែកខេត្តកំពង់ឆ្នាំង នៅព្រឹកថ្ងៃទី១៤ ខែកក្កដានេះ ទូរសព្ទតេទៅមិនចូល ។ ប៉ុន្តែក្រុមគ្រូពេទ្យកំពុងសង្គ្រោះព្យាបាលអ្នកជំងឺនៅក្នុងអាគារសង្គ្រោះបន្ទាន់ នៃមន្ទីរពេទ្យបង្អែកខេត្តកំពង់ឆ្នាំង នៅព្រឹកថ្ងៃទី១៤ ខែកក្កដានេះបានឱ្យដឹងថា អ្នកជំងឺទាំងអស់មានអាការស្រួលខ្លួនបណ្តើរៗហើយ និងពុំមានអ្នកណារងគ្រោះធ្ងន់នោះឡើយ ៕
Thursday, July 13, 2023
ឃាត់ខ្លួនយុវជន ៥នាក់ ក្រោយព្រួ.តគ.ប់ និងកា.ប់យុវជនម្នាក់បណ្ដាលឱ្យស្លា.ប់
ចំនួនអ្នកទស្សនា: Viewsកម្លាំងនគរបាល នៃស្នងការដ្ឋាននគរបាលខេត្តស្វាយរៀង សហការជាមួយកម្លាំងនគរបាល នៃអធិការដ្ឋាននគរបាលស្រុកស្វាយទាប ចុះស្រាវជ្រាវ និងឃាត់ខ្លួនជនសង្ស័យចំនួន ៥នាក់ ពាក់ព័ន្ធករណីយកដុំថ្មគប់ និងយកកាំបិតកាប់លើយុវជនម្នាក់បណ្ដាលឱ្យស្លាប់ ។
ការឃាត់ខ្លួនជនសង្ស័យទាំង ៥នាក់នេះ បានធ្វើឡើងកាលពីព្រឹកថ្ងៃទី១១ ខែកក្កដា ឆ្នាំ២០២៣ បន្ទាប់ពីកម្លាំងនគរបាលបានទទួលពាក្យបណ្ដឹងពីឱពុកជនរងគ្រោះ ។
យោងតាមរបាយការណ៍របស់ស្នងការដ្ឋាននគរបាលខេត្តស្វាយរៀងបានឱ្យដឹងថា បន្ទាប់ពីទទួលបានពាក្យបណ្តឹងពីឪពុករបស់ជនរងគ្រោះដែលមានទីលំនៅភូមិរវៀង ឃុំគ្រួស ស្រុកស្វាយជ្រំ ថានៅថ្ងៃទី១១ ខែកក្កដា ឆ្នាំ២០២៣ វេលាម៉ោង ១២ និង ៣០នាទី ស្ថិតនៅភូមិប្រសូត្រ១ ឃុំកណ្តៀងរាយ ស្រុកស្វាយទាប កូនរបស់ខ្លួនត្រូវបានក្មេងមួយក្រុមយកដុំថ្មគប់ និងយកកាំបិតកាប់កូនរបស់ខ្លួនបណ្តាលឱ្យស្លាប់នៅពេលបញ្ជូនដល់មន្ទីរពេទ្យខេត្តស្វាយរៀង ។
បន្ទាប់ទទួលបានពាក្យបណ្ដឹង លោកឧត្តមសេនីយ៍ត្រី កុយ សុភាព ស្នងការរងទទួលផែនការងារនគរបាលព្រហ្មទណ្ឌ ចុះសហការជាមួយកម្លាំងអធិការដ្ឋាននគរបាលស្រុកស្វាយទាប ធ្វើការស្រាវជ្រាវរហូតឃាត់ខ្លួនជនសង្ស័យបានចំនួន ៥នាក់ (ប្រុស) ព្រមទាំងបានដកហូត កាំបិត ២ដើម និងដាវ ២ដើម ។
បច្ចុប្បន្ន ជនសង្ស័យទាំង ៥នាក់ រួមទាំងវត្ថុតាង ត្រូវបានកសាងសំណុំរឿងបញ្ជូនទៅសាលាដំបូងខេត្ត ចាត់ការតាមនីតិវិធីច្បាប់ ៕
Tuesday, July 11, 2023
ឃាត់ខ្លួនភ្នាក់ងារទារប្រាក់កម្ចីអនឡាញខុសច្បាប់ ៣ នាក់ បញ្ជូនទៅតុលាការ
ចំនួនអ្នកទស្សនា: Viewsនាយកដ្ឋានប្រឆាំងបទល្មើសបច្ចេកវិទ្យា នៅថ្ងៃទី៩ ខែកក្កដា ឆ្នាំ២០២៣ សហការជាមួយកម្លាំងមានសមត្ថកិច្ច នៃស្នងការដ្ឋាននគរបាលរាជធានីភ្នំពេញ បានធ្វើការឃាត់ខ្លួនជនសង្ស័យ ៣នាក់ ដែលកំពុងធ្វើសកម្មភាពគំរាមកំហែងជនរងគ្រោះ នៅចំណុចបុរីមួយកន្លែង សង្កាត់ច្បារអំពៅ រាជធានភ្នំពេញ។
បន្ទាប់ពីធ្វើការសាកសួរ ជនសង្ស័យទាំង ៣នាក់ បានសារភាពថា ខ្លួនបានបម្រើការជាភ្នាក់ងារឱ្យក្រុមហ៊ុនផ្ដល់កម្ចីអនឡាញមួយ ហើយខ្លួនបានដើរតួនាទីជាអ្នកបញ្ចុះបញ្ចូលរកអ្នកត្រូវការសេវាខ្ចីប្រាក់ និងជាអ្នកចុះទៅទារប្រាក់ពីអ្នកខ្ចីប្រាក់ទាំងនោះ ដែលជារឿយៗតែងតែគំរាមកំហែងដល់អ្នកដែលមិនបានសងប្រាក់ទាន់ពេលវេលា។ ជាមួយគ្នានោះ នាយកដ្ឋានបានរកឃើញថា ក្រុមហ៊ុនសេវាកម្មកម្ចីប្រាក់ទាំងនេះ គឺពុំមានអាជ្ញាប័ណ្ណ និងសុំច្បាប់អនុញ្ញាតពីធនាគារជាតិកម្ពុជាឡើយ។
ដោយឡែកនៅព្រឹកថ្ងៃទី១១ ខែកក្កដា ឆ្នាំ២០២៣ នាយកដ្ឋាន បានបញ្ជូនជនសង្ស័យទាំង ៣នាក់ ទៅសាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ និងបន្តស្វែងរកមេខ្លោង និងបក្ខពួកបន្តទៀត។
យោងតាមប្រកាសរវាង អគ្គស្នងការនគរបាលជាតិ និងធនាគារជាតិកម្ពុជា ចុះថ្ងៃទី២៣ ខែមករា ឆ្នាំ២០២៣ បានបញ្ជាក់ថា នឹងចាត់វិធានការតឹងរឹងតាមផ្លូវច្បាប់ចំពោះការផ្ដល់ឥណទានខុសច្បាប់ និងផ្សព្វផ្សាយនានា តាមគ្រប់រូបភាពពាក់ព័ន្ធនឹងការផ្ដល់សេវាហិរញ្ញវត្ថុដែលគ្មានច្បាប់អនុញ្ញាត។ សេចក្តីប្រកាសរួម ក៏បានណែនាំឱ្យប្រជាពលរដ្ឋត្រូវជៀសវាងដាច់ខាត ចំពោះការខ្ចីប្រាក់ពីអ្នកផ្ដល់សេវាហិរញ្ញវត្ថុក្រៅផ្លូវការ ដែលពុំមានការអនុញ្ញាតពីធនាគារជាតិ។
ដើម្បីជួយដល់អាជ្ញាធរពាក់ព័ន្ធអាចចាត់វិធានការផ្លូវច្បាប់ទាន់ពេលវេលា ប្រជាពលរដ្ឋដែលមានព័ត៌មានពាក់ព័ន្ធនឹងសកម្មភាពផ្ដល់ឥណទានខុសច្បាប់ ត្រូវរាយការណ៍មកធនាគារជាតិកម្ពុជា តាមរយៈលេខទូរសព្ទ ៖ 088 600 002, 085 600 003, 098 220 001, 098 220 002 និង 097 278 3030៕